Вход
«Եվրասիական շաբաթին» քննարկելու են ԵԱՏՄ էներգետիկական պաշարների ընդհանուր շուկաների ձևավորումը

«Եվրասիական շաբաթին» քննարկելու են ԵԱՏՄ էներգետիկական պաշարների ընդհանուր շուկաների ձևավորումը

26.07.2019

Սեպտեմբերի 25-ին «Եվրասիական շաբաթ» IV-րդ միջազգային ցուցահանդեսային համաժողովի շրջանակներում Եվրասիական տնտեսական հանձնաժողովի (ԵՏՀ) էներգետիկայի և ենթակառուցվածքի հարցերով Կոլեգիայի անդամ (նախարար) Էմիլ Կայկիևի նախագահությամբ անցկացվելու է «Եվրասիական տնտեսական միության (ԵԱՏՄ) էներգետիկական պաշարների ընդհանուր շուկաներ. Էներգաանվտանգության բարձրացման գործոն և նոր հնարավորություններ բիզնեսի համար» խորագրով կլոր սեղան։

«
ԵԱՏՄ ընդհանուր էլեկտրաէներգետիկական շուկայի ձևավորումը Եվրասիական տնտեսական տարածքում ինտեգրումային գործընթացների զարգացման կարևոր գործոններից մեկն է։ Ցանկանում եմ նշել, որ շուկայի ստեղծումն առաջին հերթին ուղղված է գնագոյացման շուկայական, այդ թվում՝ բորսայական մեխանիզմներին անցմանը, ինչպես նաև բարեխիղճ մրցակցության ապահովմանը», ընդգծում է Էմիլ Կայկիևը։


Կլոր սեղանին մասնակիցները քննարկելու են էներգետիկական պաշարների (էլեկտրաէներգիայի, գազի, նավթի և նավթամթերքների) ընդհանուր շուկաների ստեղծումը, էներգաանվտանգության և էներգաարդյունավետության ոլորտում ԵԱՏՄ վառելիքաէներգետիկական համալիրների վիճակը և հեռանկարները, ինչպես նաև Միության ընդհանուր էներգապաշարների ստեղծման մեջ բիզնեսի նշանակությունը։

«
Հետաքրքիր է լինելու նաև այս ոլորտում ընթացող ինտեգրումային գործընթացների վերաբերյալ էներգետիկական այլ կազմակերպությունների տեսակետը և հետագա համագործակցության նրանց տեսլականը», նշում է ԵՏՀ նախարարը։

Կլոր սեղանին մասնակցելու հրավեր են ստացել Ղրղզստանի Արդյունաբերության, էներգետիկայի և ընդերքօգտագործման պետական կոմիտեի նախագահի տեղակալ Այմամատ Կադիրբաևը, Բելառուսի Հանրապետության Էներգետիկայի նախարարի տեղակալ Վադիմ Զակրևսկին, Հայաստանի Հանրապետության Տարածքային կառավարման և ենթակառուցվածքների նախարարության էներգետիկայի վարչության պետ Հայք Բադալյանը և այլոք։

Հիշեցնենք, որ սույն թվականի մայիսին Եվրասիական տնտեսական բարձրագույն խորհրդի նիստի շրջանակներում պետությունների ղեկավարները ստորագրել են ԵԱՏՄ ընդհանուր էլեկտրաէներգետիկական շուկայի ձևավորման մասին միջազգային պայմանագիր։ Փաստաթուղթը սահմանել է շուկայի ձևավորման, գործելու և զարգացման իրավական հիմքերը, Միության ընդհանուր էլեկտրաէներգետիկական շուկայի կառավարումն ուգործունեության ապահովումն իրականացնող մարմինները և կազմակերպությունները, ինչպես նաև էլեկտրաէներգիայի առևտրի եղանակները։

Էներգետիկական ինտեգրման կարևոր իրադարձություն է հանդիսացել նաև Հայաստանի և Ղրղզստանի միանալն Անդամ պետությունների միջև էլեկտրական էներգիայի միջպետական հաղորդման իրականացման մեթոդաբանությունը։ Դա թույլ է տվել օգտագործել դեպի էլեկտրաէներգետիկայի ոլորտում բնական մենաշնորհների սուբյեկտների ծառայությունները մուտքի՝ Միության համար ընդհանուր սկզբունքները և կանոնները, ներառյալ գնագոյացման և սակագնային քաղաքականության հիմքերը։

Միության էներգետիկական պաշարների շուկաների ստեղծումը բիզնեսին թույլ է տալու ազատ ընտրել էներգապաշարների մատակարարողներին, ինչը դրական ազդեցություն է ունենալու արտադրվող արտադրանքի ինքնարժեքի վրա։ Բացի այդ, էներգապաշարների ընդհանուր շուկաների ձևավորումը թույլ է տալուբարձրացնել ԵԱՏՄ պետությունների էներգաանվտանգությունը, ինչպես նաև նպաստելու է էլեկտրաէներգիայի և ածխաջրածինների թափանցիկ գների ձևավորմանը՝ եվրասիական «հնգյակի» երկրների տնտեսությունների կայուն զարգացման նպատակով։


Ավելի մանրամասն տեղեկատվությունը կարելի է ստանալ «Եվրասիական շաբաթի» www.eurasianweek.com կայքում: