Сүзгіш Жаңалықтар

Еуразиялық экономикалық одақтың Фармакопея комитетінің отырысында оның басшылығының жаңа құрамын сайлау болып өтті. ЕАЭО Фармакопея комитетінің төрағасы болып келесі үш жылдық мерзімге фармацевтика ғылымдарының докторы, профессор Ардақ Төлегенова сайланды.

ЕАЭО мемлекеттерінің халықтың санитариялық-эпидемиологиялық саламаттығы саласындағы уәкілетті органдары басшылары кеңесінің кезекті отырысында COVID-19 ауруының анықталған жағдайларына байланысты Еуразиялық экономикалық одақ елдерінің эпидемияға қарсы іс-шараларды іске асыруы талқыланды. Кеңес отырысына Өзбекстан мен Тәжікстан өкілдері де қатысты.

ЕЭК Алқасы Өздігінен жүретін машиналар паспортының бірыңғай нысанын толтыру тәртібіне, сондай-ақ осындай паспорттарды ресімдеуді жүзеге асыратын Уәкілетті органдар мен дайындаушылардың бірыңғай тізілімін қалыптастыру және жүргізу тәртібіне өзгерістер енгізді.

ЕЭК Алқасы 3 наурыздағы отырысында Еуразиялық экономикалық одақ елдеріне арнап адам денсаулығы үшін өнімнің қауіпсіздігін қамтамасыз ету саласындағы қадағалаудың тәуекелдік-бағдарлы моделін қамтитын ұсыным қабылдады. Құжат осы модельдің практикалық ендірілуін бағамдайды және ЕАЭО-ның кедендік аумағында өнім қауіпсіздігін тәуекелдік-бағдарлы қадағалауды ұйымдастыру алгоритмін қамтиды.

Еуразиялық экономикалық комиссия Алқасы «Жеке қорғау құралдарының қауіпсіздігі туралы» техрегламент стандарттарының өзектілендірілген тізбесін бекітті. Тізбе Еуразиялық экономикалық одақ елдерінің 126 мемлекетаралық және 42 ұлттық стандартын қамтиды. Оларды ерікті негізде қолдану техрегламент талаптарының сақталуын қамтамасыз етеді.

Еуразиялық экономикалық одақ елдерінің СОVID-19 коронавирустық инфекцияның таралуын бақылау жөніндегі эпидемияға қарсы іс-шараларды жүзеге асыруы Мәскеуде ЕАЭО мемлекеттері халқының санитариялық-эпидемиологиялық саламаттығы саласындағы уәкілетті органдары басшылары кеңесінің кезекті отырысында қаралды. Талқылауға Өзбекстан мен Тәжікстан өкілдері де шақырылды.

Минскіде Беларусь Республикасы Стандарттау жөніндегі мемлекеттік комитеті алқасының отырысы барысында сөйлеген сөзінде ЕЭК Техникалық реттеу жөніндегі Алқа мүшесі (министр) Виктор Назаренко: «Еуразиялық экономикалық одақтың ішкі нарығындағы саудадағы техникалық тосқауылдарды алып тастау, өнімге қойылатын бірыңғай міндетті талаптарға және оны осы нарыққа жіберудің бірыңғай рәсімдеріне бет бұру. Сәйкестікті бағалаудың және мемлекеттік қадағалаудың тиімді механизмін құру арқылы одақтық нарықты қауіпсіз емес өнімнен қорғауды қамтамасыз ету. ЕАЭО елдерінің өнеркәсібі шығаратын өнімнің сапасы мен бәсекеге қабілеттілігін арттыру. Бұл - Еуразиялық экономикалық одақта бірыңғай техникалық реттеу жүйесін қалыптастыру кезінде қол жеткізу қажет болатын үш негізгі мақсат», – деп атап өтті.

ЕЭК Алқасы адам денсаулығына тиетін қауіп-қатердің критерийлері бойынша тамақ өніміндегі химиялық қоспалар, биологиялық агенттер құрамының гигиеналық нормативтерін белгілеу және негіздеу жөніндегі әдістемелік нұсқауларды қамтитын ұсынымдар қабылдады. Құжат халықтың денсаулығына тиетін қауіп-қатерді бағалау әдіснамасын практикалық енгізуді қамтамасыз етеді және нормалау үшін қажетті токсикологиялық және микробиологиялық зерттеулерді жүргізу алгоритмін қамтиды.

Еуразиялық экономикалық комиссия Алқасы медициналық қолдануға арналған дәрілік препараттардың және ветеринариялық дәрілік препараттардың дайын дәрілік нысандарының жарамдылық мерзімінің басталу күнін есептеу жөніндегі нұсқаманы бекітті.

1 наурызда Еуразиялық экономикалық одақта «Электр техникасы және радиоэлектроника бұйымдарында қауіпті заттарды қолдануды шектеу туралы» одақтық техникалық регламент үшін белгіленген өтпелі кезең аяқталады. Құжат қорғасынның, сынаптың және денсаулық пен экология үшін зиянды металлдардың, соның ішінде кең таралған тұрмыстық аспаптарда - компьютерлерде, теледидарларда, тоңазытқыштарда, ұялы телефондарда қолданылуын айтарлықтай шектейді.