Сүзгіш Жаңалықтар

1 маусымда Петербург халықаралық экономикалық форумы алаңында Еуразиялық экономикалық комиссияның (ЕЭК) Сауда жөніндегі Алқа мүшесі (министр) Вероника Никишина мен Иранның коммуникациялар және ақпараттық технологиялар министрі Махмуд Ваэзи Еуразиялық экономикалық одақ (ЕАЭО) пен Иран Ислам Республикасы арасында еркін сауда аймағын (ЕСА) құруға жеткізетін уақытша келісімге қол қою параметрлері мен ықтимал мерзімдерін талқылады.

1 маусымда Петербург халықаралық экономикалық форумы (ПХЭФ) алаңында Еуразиялық экономикалық комиссияның (ЕЭК) Сауда жөніндегі Алқа мүшесі (министр) Вероника Никишина мен Сингапур Республикасының мемлекеттік министрі, өнеркәсіп және сауда министрі Ко По Кун Еркін сауда аймағы туралы келісім жасасу перспективалары мен мерзімдерін талқылады.​

Еуразиялық экономикалық одақ (ЕАЭО) елдерінің ЖІӨ сомалық өсімі Үндістанмен еркін сауда аймағы туралы келісім жасасу нәтижесінде қысқа мерзімді перспективада 1,4 млрд АҚШ долларын және ұзақ мерзімде 2,7 млрд АҚШ долларын құрауы мүмкін. Бұл туралы 1 маусымда Петербург халықаралық экономикалық форумы шеңберінде өткен «ЕАЭО – Үндістан: стратегиялық әріптестік» бизнес-таңғы асында Еуразиялық экономикалық комиссияның Сауда жөніндегі Алқа мүшесі (министр) Вероника Никишина айтып берді.​

Еуразиялық экономикалық комиссия (ЕЭК) Алқасы бірқатар тауарларға салықтық баж мөлшерлемелерін белгіледі, репродуктивті материалға қойылатын ветеринариялық талаптарға өзгерістер енгізді, ЕЭК және Біріккен Ұлттар Ұйымының Азия және Тынық мұхитқа арналған Экономикалық және әлеуметтік комиссиясы (БҰҰ АТМЭӘК) арасындағы ынтымақтастық бағдарламасының жобасын мақұлдады, Комиссияның куәландыру орталығын құруға және электрондық қолтаңбаларды өзара танумен мемлекетаралық электрондық құжат айналымы жүйесін енгізуді бастауға мүмкіндік беретін ақпарат қауіпсіздігі қатерлерінің моделін бекітті.

23 мамырда Еуразиялық экономикалық комиссия (ЕЭК) Алқасының отырысында көлік құралдары шассиінің электрондық паспорттары жүйесіне өту мерзімдері, бірқатар тауарларды Еуразиялық экономикалық одақтың (ЕАЭО) сыртқы экономикалық қызметінің Тауар номенклатурасына сәйкес сыныптау және басқа да бірқатар мәселелер талқыланды. ​

Бішкекте (Қырғыз Республикасы) өткен Еуразиялық экономикалық одақтың (ЕАЭО) Іскерлік кеңесі Төралқасының алтыншы отырысында талқылаудың басты тақырыбы Еуразиялық экономикалық одақтың Қытай Халық Республикасымен (ҚХР) сауда-экономикалық келісімін (СЭК) дайындауда ЕАЭО Іскерлік кеңесінің рөлі болды.​

17 мамырда Еуразиялық экономикалық комиссия (ЕЭК) Кеңесінің отырысында Еуразиялық экономикалық одақ (ЕАЭО) елдерінде электрондық автотөлқұжаттар жүйесін енгізу, дәрілер және медициналық бұйымдар нарығын реттейтін нормативтік актілерді әзірлеу, илік заттарға және илеуге арналған препараттарға қатысты кедендік әкелу баждарының мөлшерлемесін төмендету мәселелері талқыланды. Бұған қоса, «Балалардың ойын алаңдарына арналған жабдықтардың қауіпсіздігі туралы» техникалық регламент қабылданды және Комиссия бұрын қабылдаған кейбір шешімдерге өзгерістер енгізілді.

Еуразиялық экономикалық комиссия (ЕЭК) Алқасы 11 мамырдағы отырысында қытайлық және украиндық металлургия кәсіпорындары өндіретін металл өнімдерінің кейбір түрлеріне қатысты демпингке қарсы шаралар қолдану туралы шешім қабылдады, өрт қауіпсіздігін және өрт сөндіруді қамтамасыз ету құралдарының техрегламенті жобасын мақұлдады, Еуразиялық экономикалық одақ (ЕАЭО) елдеріне ЕАЭО елдерінің кәсіби спортшыларын үшінші елдердің спорттық легионерлері деп аталатындарға теңестіретін шектеулерді жоюды ұсынды, тауарларды сыныптау бойынша шешімдер қабылдады.

ЕЭК Алқасы 2017 жылғы 2 мамырдағы кезекті отырысында FIFA конфедерациясы кубогы мен 2018 жылы Ресейде өтетін футболдан әлем чемпионатына футбол командаларының, төрешілер алқасының, ұйымдастырушылардың, хабар тарату компаниялары мен баспасөздің жұмысын қамтамасыз етуге арналған техникалық жабдықтар мен спорт құрал-жабдықтарын уақытша әкелу тәртібін оңайлату туралы шешім қабылдады. Қабылданған шешім өзге спорттық жарыстарға қолданылмайды.​

Еуразиялық экономикалық комиссия (ЕЭК) Алқасы 24 сәуірде Еуразиялық экономикалық одақтың (ЕАЭО) сыртқы экономикалық қызметінің Бірыңғай тауар номенклатурасында (СЭҚ ТН) көрсетілген бұйымдардың сипаттамаларын нақтылауға, сондай-ақ бірқатар тауарларды жеке кіші топтарға бөлуге байланысты шешімдер қабылдады.​