Жүйеге кіру
ЕАЭО жекелеген тауар түрлеріне салынатын кеден баждары алынып тасталады

ЕАЭО жекелеген тауар түрлеріне салынатын кеден баждары алынып тасталады

14.06.2018


Еуразиялық экономикалық комиссияның (ЕЭК) 14 маусымда өткен отырысында сауда ынтымақтастығы, дәрілік құралдар мен медициналық бұйымдардың айналымы, бәсекелестік саласында шешімдер қабылданды.

Көзілдірік линзаларына арналған пластмассалық дайындамалардың жекелеген түрлерін Еуразиялық экономикалық одақтың (ЕАЭО) Сыртқы экономикалық қызметінің бірыңғай Тауар номенклатурасындағы (СЭК ТН) бөлек жайғасымында көрсету және олардан кедендік әкелім бажының нөлдік мөлшерлемесін қою туралы шешім қабылданды. Сондай-ақ жаялықтар өндірісіне арналған суперабсорбенттерге де кеден бажының нөлдік мөлшерлемесі қойылған.

ЕЭК кеңесі Дамушы және төмен дамыған елдердің тауарларының шығу тегін анықтау ережелерін бекітті, ЕАЭО тиісті зертханалық тәжірибе жүйесін (GLP) құру және дамыту мәселесі бойынша жұмыс тобын құру туралы тапсырма берді және оның құрамын бекітті, ЕАЭО медициналық пайдалануға арналған дәрілік заттарды тіркеу және сараптама жүргізу ережелерін толықтырды.

ЕЭК Кеңесінің отырысы, бірінші рет, Ресей Федерациясы Үкіметі Төрағасының Бірінші орынбасары - РФ Қаржы министрі Антон Силуановтың төрағалық етуімен өтті. Іс-шараға Армения Республикасының Вице-премьер-министрі Мгер Григорян, Беларусь Республикасы Премьер-министрінің Бірінші орынбасары Василий Матюшевский, Қазақстан Республикасы Премьер-министрінің Бірінші орынбасары Асқар Мамин, Қырғыз Республикасының Вице-премьер-министрі Жениш Разаков, ЕЭК Алқасының Төрағасы Тигран Саркисян қатысты.

ЕЭК Кеңесі Дамушы және төмен дамыған елдердің тауарларының шығу тегін анықтау ережелерін бекітті. Олар ЕАЭО тауарлар әкелу кезінде қолданылатын болады, оларға қатысты тарифтік артықшылықтар беріледі. Тиісті тауарлар ЕЭК Кеңесімен бекітілген тізімге енгізілген. Егер тауарлар толығымен сол елде алынған немесе өндірілген жағдайда немесе елеулі өңдеуге ұшыраған жағдайда, олар пайдаланушы елдерде шығарылған деп танылады. Толық алынған немесе өндірілген болып, табиғи ресурстар, елде өсірілген және) немесе жиналған өсімдік тектес өнімдер, елде туылған және өсірілген тірі жануарлар, елдегі аңшылық немесе балық аулау кәсібінің нәтижесінде алынған өнім және т.с.с. танылады.

Егер өңдеу барысында пайдаланылған, сол елде өндірілмеген материалдың құны 50% артық болған жағдайда, тауар қайта өңделген деп есептеледі. Елде жасалған жуу, тазарту, мұздату, банкаларға бөлшектеп өлшеу және т.с.с. операциялар, бұл елді өндіруші деп тану үшін жеткіліксіз болып табылады. Тарифтік артықшылықтарды алу үшін тауардың шығарылған ел тауардың шығу тегі туралды сертификатпен немесе, жекелеген жағдайларда, тауардың шығу тегі туралы декларациямен расталады.

Көзілдірік линзаларына арналған пластмассалық дайындамалардың жекелеген түрлерін Еуразиялық экономикалық одақтың (ЕАЭО) Сыртқы экономикалық қызметінің бірыңғай Тауар номенклатурасындағы (СЭК ТН) бөлек жайғасымында көрсету және оларға 2019 жылдың 31 тамызына дейін (қоса алғанда), кедендік әкелім бажының нөлдік мөлшерлемесін қою туралы шешім қабылданды. Бүгінгі күні баж, кеден құнынын алғанда - 6,5% құрайды.

Қарастырылып отырған дайындамалар, әртүрлі қисықты линзалар түріндегі пластмассалық оптикалық тұрғыдан өңделмеген жартылай фабрикаттарды білдіреді. Шара, көзілдіріктерге арналған пластмасса линзаларының өндірушілеріне өнім өндірісінің көлемін арттыруға және оның өзіндік құнын төмендетуге мүмкіндік береді.

Кедендік әкелім бажының дайын өнім бірлігінің өзіндік құнындағы үлесі шамамен 1,7% құрайды

Сондай-ақ, жаялықтар өндірісіне арналған суперабсорбенттерге де кеден бажының нөлдік мөлшерлемесі қойылады. Шара 2018 жылдың 1 қаңтарынан бастап 2020 жылдың 31 желтоқсанына дейін әрекет ететін болады. ЕАЭО БКТ кедендік әкелім бажының қолданыстағы мөлшерлемесі кеден құнынан 6,5% құрайды.

Акрилді полимерлерден алынған суперабсорбенттер жаялықтар және жеке бас гигиенасының бір жолғы құралдарын өндірудегі негізгі шикізат болып табылады. Шешім балалар жаялықтарын және жеке бас гигиенасы құралдарының өндірушілерін қолдауға бағытталған.

Бүгінгі күні ЕАЭО елдерінде суперабсорбенттер өндірілмейді. Қарастырылып отырған тауарларға салынатын кедендік баж 2016 жылдың мамырынан бастап 2017 жылдың желтоқсанына (қоса алғанда) дейінгі аралықта нөлге теңестірілген болатын. Қарастырылып отырған тауарға кедендік әкелім бажының төмендетілген мөлшерлемесінің әрекет ету кезеңінде, дайын өнімді (жаялықтарды) өндіру көлемінің артқаны анықталды.

2016-2017 жылдары импорттың барлық көлемге жуығы (96%) Ресей Федерациясына жеткізілген болатын. Негізгі экспорттаушы елдердің ішінде, жалпы импорттың көлемінен: Қытайдың үлесіне - 46,7%, Жапонияның үлесіне - 24,5%, Индонезияның үлесіне - 17,4%, Германияның үлесіне - 9,4% келеді.

Экономикалық ынтымақтастық және даму ұйымы (ЭЫДҰ)тиісті зертханалық тәжірибе принциптеріне сәйкес келетін, Еуразиялық экономикалық одақта тиісті зертханалық тәжірибе жүйесін дамыту тұжырымдамасының жобасын дайындау мақсатында, ЕЭК Кеңесінің бұйрығымен Комиссия Алқасына ЕАЭО тиісті зертханалық тәжірибе жүйесін құру және дамыту мәселелері бойынша жұмыс тобын құру және оны бекіту тапсырылды. Одақ елдері ЕЭК-на тиісті кандидатураларды және тиісті зертханалық тәжірибенің ұлттық жүйелерінің жағдайы туралы мәліметтерді, қабылданған нормативті актілер, осы саладағы реттеуді жүзеге асырушы өкілетті органдар туралы деректерді, GLP принциптеріне сәйкес келетін зертханалардың болуы, немесе оларды салу туралы жоспардың бар-жоғы туралы мәліметтерді ұсынады.

Тиісті зертханалық тәжірибе жүйесі - бұл зертханаларға қойылатын талаптар мен ережелердің халықаралық жүйесі, олар жаңа әлеуетті қауіпті химиялық заттардың адам денсаулығына және қоршаған ортаға тигізетін әсерін зерттейді. Көптеген Еуропа елдерінде әрекет ететін мұндай жүйе, зерттеу нәтижелерінің дұрыстығын растайды.

GLP жүйесі бойынша зерттеулер - бұл дәрілердің, косметиканың, агрохимикаттардың, биологиялық белсенді қоспалардың және басқа тауарлардың құрамында кездесетін химиялық заттардың адамға тигізетін әсері туралы клиникаға дейінгі (яғни, адамдардың қолдануына дейін өткізілетін) зертханалық зерттеулер. Бұл күрделі және жоғары технологиялық сынаулар, олардың барысында көптеген параметрлерді ұстану қажет, атап айтсақ: зарарсыздық, белгілі бір температураны және ылғалдылықты ұстану және т.б.

Қазіргі кездің өзінде, Одақтың дәрілік құралдардың айналымы және техникалық реттеу саласындағы құқығында GLP зертханаларын құрудың қажетті мәселелері реттелген. Сонымен бірге, MRA деп аталатын сынау орталықтары (зертханалары) инспекцияларының нәтижелерін өзара қабылдау туралы екіжақты немесе көпжақты шарттардың болуы, Экономикалық ынтымақтастық ұйымының GLP талаптары бойынша зерттеулердің нәтижелерін өзара қабылдауды қамтамасыз етудің шарты болып табылады.

Осылайша, ЕАЭО GLP жүйесін дамытудың тұжырымдамасын дайындау ЭЫДҰ-мен өзара әрекеттесу мәселесін анықтап алуға және отандық өнімді GLP бойынша зерттеу нәтижелерін қабылдау мақсатында MRA келісімдерін жасауға мүмкіндік береді.

ЕЭК Кеңесі, сондай-ақ, ЕАЭО медициналық пайдалануға арналған дәрілік заттарды және сараптама жүргізу ережелерін толықтырды.

Тұмаудың алдын алуға арналған вакцинаға тіркеу құжаттарына өзгертулер енгізу рәсіміне бірыңғай тәсілдер қабылданған. Бұл дәрілік препараттардың айрықша тобы, олардың құрамы жылына бір рет өзгеріп отырады, бұл ауру вирусының өзгергіштігімен байланысты. Тіркеу құжаттамасының, құжаттамаға өзгертулер енгізу рәсімдерінің, сонымен қатар тіркеуге берілген өтініштерді қарастыру мерзімдерінің құрамына, мазмұнына, форматына және көлеміне бірыңғай талаптар белгіленеді.

Вакциналардың атқарымына және тұмау эпидемиясына және пандемиясына жол бермеу мақсатында халыққа вакцинация жасауға қойылатын қолданыстағы талаптар осы дәрілерді тіркеуге және оларға өзгерістер енгізуге 210 күнді құрайтын стандартты рәсім мерзімін қолдануға мүмкіндік бермейді. Сол себептен, тұмаудың штамм құрамын өзгертумен байланысты, тіркеу құжаттамасына өзгертулер енгізу барысында осы вакциналар тобын бағалаудың қысқартылған тәртібі енгізілген. Тіркеу құжаттамасына өзгертулер енгізу рәсімін өткізу мерзімі 40 күнтізбелік күннен артық болмауы тиіс.

Бұл жыл сайынғы вакциналауды уақытында өткізуге және миллиондаған адамдардың денсаулығын сақтауға мүмкіндік береді.

Бұдан бөлек, екі жылға, 2020 жылдың 31 желтоқсанына дейін, өндірістің тиісті өндірістік тәжірибеге (GMP) сәйкестігін растайтын және дәрілік препараттың өндірушісіне Одақ елінің өкілетті органымен берілген құжаттарды беру мерзімі ұзартылды . Бұл шешім дәрілердің ортақ нарығын құру ерекшеліктерімен туындаған және фармацевтикалық өндірушілерге ұлттық сертификаттарды олардың әрекет ету мерзімі аяқталғанша, мерзімінен бұрын қайта рәсімдеу қажеттілігінсіз пайдалануға мүмкіндік береді.

Нәтижесінде, өндірістің тиісті өндірістік тәжірибеге сәйкестігін растайтын, 2017 жылға дейін әрекет ету мерзімі 2020 жалға дейін берілген ұлттық құжаттардан, Одақтың бірыңғай құжаттарына жатық өту қамтамасыз етілетін болады. Бұл дәрі өндірушілеріне жаңа талаптарға барынша жайлы бейімделуге көмектеседі.

Бәсекелестік саласында бірқатар шешімдер қабылданды.

Трансшекаралық нарықтардағы бәсекелестіктің жалпы ережелерін бұзу туралы өтініштерді (материалдарды) қарастыру тәртібіне өзгертулер енгізілді. Егер өтініште трансшекаралық нарықтардағы бәсекелестіктің жалпы ережелерін бұзу белгілері туралы ақпарат болмаған жағдайда, ЕЭК-ның өтінішті қарастыру рәсімін тоқтату құқығы бекітіледі.

Өтінішті қарастыру рәсімі өзгертіледі: егер ол дұрыс емес рәсімделген жағдайда, ол қарастырмастан қайтарылуы мүмкін. Сонымен бірге, ЕЭК өзіне, өтінішкерді өтініштің рәсімделу дұрыстығы туралы бес күндік мерзім ішінде хабарлауға міндеттеме алады.

Өтініштерді қарастыру және тексеру нәтижелері бойынша қорытындының құпия және ашық нұсқаларын дайындау маңызды өзгерістер болып табылады. Қорытындының ашық нұсқасымен барлық мүдделі талаптар таныса алады.

Өзгерістер, сондай-ақ Трансшекаралық нарықтардағы бәсекелестіктің жалпы ережелерін бұзуларға тексеріс жүргізу тәртібін де қозғайды. Тексеру мерзімі, тексеру туралы ұйғарындыға қол қойылған күннен бастап, 60 күннен 90 күнге дейін арттырылды, егер монополияға қарсы тексеру мерзімін ұзарту қажет болған жағдайда, ЕЭК бейінді бөлімшесінің әрекет ету мерзімі мен тәртібі анықталды.

Құпия ақпаратты пайдалану тәртібі, сондай-ақ Комиссияға «Қызметтік пайдалану үшін», «Коммерциялық құпия», «Құпия» таңбасы бар мәліметтерді ұсыну ережелері нақтыланды. Құжат, сонымен қатар, тексеру нәтижелері бойынша қорытындыларды және ұйғарынды шығаруды дайындау және бекіту тәртібін нақтылайды.

Трансшекаралық нарықтардағы бәсекелестіктің жалпы ережелерін бұзу туралы істерді қарастыру тәртібіне өзгертулер енгізілді. Мысалы, трансшекаралық нарықтардағы бәсекелестіктің жалпы ережелерін бұзу туралы істерді қарастыруды ұзарту мерзімі 60 жұмыс күніне дейін өзгертілді, комиссияның тиісті ұйғарынды шығаруы бойынша әрекеттері анықталды.