Жүйеге кіру
Тигран Саркисян: «Біз еуразиялық интеграцияны дамытуға қарқын енгізуге деген өңірлердің талпыныстарын қолпаштаймыз»

Тигран Саркисян: «Біз еуразиялық интеграцияны дамытуға қарқын енгізуге деген өңірлердің талпыныстарын қолпаштаймыз»

02.11.2017

Еуразиялық экономикалық одақтағы (ЕАЭО) елдердің арасында шекаралас ынтымақтастық пен өңіраралық ынтымақтастықты күшейту көп дәрежеде еуразиялық интеграцияланудың тренді болып келе жатыр.  Бұл туралы Орынбор облысының губернаторы Юрий Бергпен бірлесе отырып, 2 қарашада Халықаралық «Оренбуржье – Еуразияның жүрегі» атты форумды ашқанда Еуразиялық экономикалық комиссия (ЕЭК) Алқасы Төрағасы Тигран Саркисян мәлімдеді. ЕЭК Алқасының Төрағасы, атап айтқанда, Қазақстан мен Ресейдің өңірлерінің арасында шамамен 300-ге тарта келісімдер жасалғандығын еске салды.

«Ашықтық стратегиясының, көршілес қарым-қатынастарды қолдаудың және кооперация қалыптастырудың арқасында, Орынбор облысы интеграциялық процестердің белсенді қатысушысы бола алды, – деді Тигран Саркисян. – Осы өңірлердің біздің ортақ ісімізге динамика енгізуге деген талпыныстарын тек қолпаштап, қолдап жүре аламыз. Біз Одақтың елдерінің арасындағы өзара сауда өсіп келе жатқандығын қуанышпен атап айтамыз, ал шекаралас өңірлер шетелдік инвесторлар үшін аса жоғары тартымдылықты көрсетіп отыр».

Өз тарапынан Орынбор облысының губернаторы Юрий Берг міне жетінші мәрте өткізіліп отырған форум жұмыс атқарған кезеңі ішінде «өзара іс-қимылдың және әлеуметтік-экономикалық дамудың интеграциялық нұсқадағы өзекті мәселелері талқыланып отыратын тиімді халықаралық алаң деген өз мәртебесін талай рет дәлелдеді» деп келтірді. Юрий Берг Еуразиялық экономикалық комиссияның басшылығына екінші жыл қатарынан қолдау көрсетіп келе жатқандығына шын көңілін білдірді. Ол «жұмыс тақырыптарының спектрін едәуір кеңейтуге көмектеседі» деп айтты.
 
ЕЭК Алқасы Төрағасының айтуынша, ЕАЭО елдеріндегі ұлтүсті құқығы анағұрлым жетілдірілген юрисдикцияны  құруға және әртүрлі салалардағы реттеуге мүмкіндік туғызады. Одақтың азаматтарында квоталарсыз және рұқсаттарсыз кез келген мүше мемлекетте еркін өмір сүруге, оқуға және жұмыс істеуге, тегін медициналық жедел жәрдем алуға және т.б. мүмкіндігі пайда болды.

Өңіраралық қарым-қатынастардың тиімділігін қамтамасыз ететін шешуші факторлардың бірі болып отырған көлік-инфрақұрылымдық интеграция. Одақта келісілген көлік саясаты іске асырылуда, «жол картасы» бойынша 2018–2020 жылдарға үкімет басшыларының соңғы отырысының барысында қабылданған.

ЕАЭО стратегиялық міндеттерінің ішінде – Сочи қаласында 11 қазанда мүше мемлекеттердің президенттері бекіткен Одақтың цифрлық күн тәртібі іске асырылуда. Еуразиялық экономикалық комиссия цифрлық интеграциялық жобаларды іріктеп, солармен алдағы жүргізілетін жұмыстарға қатысатын болады.

«Біз еуразиялық брендтерді қалыптастырып, оларды ілгерілете алатын экономиканың нақты секторында  бірлескен компаниялар құру жұмыстарын белдендіруге де ниетті, – деді Тигран Саркисян. – Біз Одақтағы елдердің өңірлері бірлескен жобаларды іске қосудың және интеграцияның барлық стратегиялық міндеттері бойынша драйверлер бола алатындығына үміттіміз».

Сөз соңында  ЕЭК Алқасының Төрағасы Еуразиялық экономикалық одақтағы елдердің өңірлерінің арасындағы, соның ішінде ортақ шекаралары жоқ өңірлердің екіжақты қарым-қатынастарының ғана емес, сонымен бірге көпжақты диалогының тереңдігі мен қарқындылығын күшейтуге шақырды.

Орынбор қаласына барған сапарының шеңберінде  Тигран Саркисян орынбор мемлекеттік университетінің студенттерінің алдында да дәрісін оқыды. Ол еуразиялық интеграцияланудың маңыздылығы жайлы, оның қатысушы елдердің экономикаларына келтіретін ықпалы жайлы, ЕАЭО үшінші елдермен сауда байланыстарын қалайша құратындығы жайлы  әңгімелеп берді, және де Одақтың цифрлық күн тәртібін дамытудың қажеттігі туралы мәлімдеді.

Сонымен бірге, ЕЭК Алқасының төрағасы ЕАЭО елдерінің өңірлерінің, соның ішінде Қазақстан Республикасындағы Батыс Қазақстан облысының басшыларымен бірге ЕАЭО басқа мемлекеттеріне өздерінің тауарларын жеткізу ісін жолға қойған Орынбор облысының бірқатар кәсіпорындарына барды.

Анықтама

Халықаралық «Оренбуржье – Еуразияның жүрегі»  форумы еуразиялық кеңістікте экономикалық, ақпараттық және мәдени байланыстарды қалыптастыру мәселелерін талқылауға арналған негізгі алаң болып табылады.

Форумның күн тәртібінің негізгі тақырыптары болған – ЕАЭО елдерінің өміршеңдігін қамтамасыз етудің бірыңғай шарттарын қалыптастыру, жаңа технологияларды коммерциялизациялау стратегиясын және цифрлық экономикада бірыңғай тәсілдемелерді әзірлеу.

Форумға 3000 астам делегат қатысты – олар, Еуразиялық экономикалық одақтағы мемлекеттердің, соның ішінде Беларусьтен, Қазақстаннан, Ресейден, және әлемнің басқа да елдерінен келген бизнестің, мемлекеттік билік органдарының және мәдениет өкілдері.