Sign In
ЕЭК Коллегиясынын Төрагасы Тигран Саркисян: “Ар дайым алдыга жылуу жана биргеликте аракеттенүү менен Президенттердин тапшырмаларын аткаруу зарыл”

ЕЭК Коллегиясынын Төрагасы Тигран Саркисян: “Ар дайым алдыга жылуу жана биргеликте аракеттенүү менен Президенттердин тапшырмаларын аткаруу зарыл”

02.02.16

2-февралда Евразия экономикалык комиссиясынын жаңы курамынын биринчи отуруму болуп өттү.

1-февралдан тартып өз ишине киришкен ЕЭК Коллегиясынын Төрагасы Тигран Саркисян жыйналышты ачып жатып, Коллегиянын (Министрлерди) Мүчөлөрүн кызматка киришүүсү жана ЕАЭБди өнүктүрүү ишинин жаңы этабынын башталышы менен куттуктады. “Биз евразия экономикалык мейкиндигинин алкагында интеграциялык процесстерди бекемдөө боюнча олуттуу милдет жүктөлгөнүн билип турабыз. Биз бул кыймылдын авангардында болуп, мындай тапшырманы ишке ашырууга милдеттүүбүз. Мында Евразия экономикалык комиссиясы улуттар үстүндөгү орган катары интеграциялык процесстердин жөнгө салынышына жооптуу болот”, - деп белгиледи Тигран Саркисян.

ЕЭК Коллегиясынын Төрагасынын айтымы боюнча, Комиссияда иш улантуучулуктун жогорку деңгээли камсыздалган, анткени, Коллегиянын көпчүлүк мүчөлөрү өз ыйгарым укуктарын ЕЭКтин буга чейинки төрт жылдык циклинде да жүзөгө ашырган. Бул бүткүл Биримдиктин келечеги үчүн маанилүү. “Биздин Президенттердин чечимдеринде иш улантуучулук камсыздалган. Бүгүнкү күндө бул менин ишимди кыйла жеңилдетет: Коллегиянын көпчүлүк мүчөлөрүнө евразия мейкиндигин калыптандыруунун биринчи этабында жеңил эмес жүк жүктөлүп, салмактуу иштерди аткарышты”,- деп билдирди Тигран Саркисян.

Ошондой эле ал белгилеп өткөндөй, “бүгүн биздин алдыбызда жаңы чакырыктар жана коркунучтар турат. Албетте, мунун баары биздин өлкөлөрдүн экономикалык процесстерине таасирин тийгизет. Биргеликте аракеттенүү менен Президенттер тарабынан биздин алдыбызга коюлган маселелерди чече алабыз деп ойлойм. Биз болгон тажрыйбабызды топтоп, даанышмандыгыбызды көрсөтүшүбүз зарыл. Токтоп туруу мүмкүн эмес, дайыма алдыга умтулуу зарыл. Ошол эле убакта бирдиктүү болушубуз керек. Мен биздин командабызда - Коллегияда жана ишибизде биримдик болушу үчүн бардык мүмкүнчүлүгүмдү жумшайм”, - деп баса белгиледи ЕЭК Коллегиясынын Төрагасы.

Отурумда соода, ветеринардык-санитардык талаптар тууралуу бир катар маселелер каралды.

ЕЭКтин Коллегиясы ветеринардык текшерүүдөн (көзөмөлдөн) өтүүчү товарларга коюлуучу Бирдиктүү ветеринардык (ветеринардык-санитардык) талаптарга өзгөртүүлөрдү киргизди. Атап айтканда, Бирдиктүү ветеринардык талаптардагы жемдерди жана жемге кошулмаларды өндүрүүдө сырьелорду иштетүү шарттары боюнча техникалык параметрлер такталды. Бул тактоолор өндүрүү процесстери башталганга чейин сырьену иштеттүү зарылчылыгын четтетүүгө шарт түзөт. Ошентип, рыноктун катышуучулары үчүн ашыкча талаптар четтетилет.

Бирдиктүү ветеринардык талаптардын жаңы главасы бекитилди, ал ЕАЭБтин аймагына чочколордун эмбриондорун ташып келүү жана мүчө өлкөлөрдүн ортосунда жайгаштыруу шарттарын аныктайт.

Жарандарды жеке пайдалануусундагы тирүү жандыктарды ЕАЭБ өлкөлөрүнүн арасында ташуу жол-жоболору жеңилдетилди. Ушул максатта аларды Биримдиктин ишканаларынын тиешелүү реестрине киргизүү зарылчылыгы жоюлган.

Андан тышкары, ЕЭК Коллегиясы Бажы биримдигинин Комиссиясынын “ЕАЭБ өлкөлөрүнүн аймагына үчүнчү өлкөлөрдөн көзөмөлгө алынуучу товарлардын ташылып келиши боюнча Бирдиктүү ветеринардык сертификаттардын формалары жөнүндө” чечимине өзгөртүү киргизди. Тактоо мүнөздөгү оңдоолор чочко эмбриондору үчүн бирдиктүү ветеринардык талаптардын киргизилишине байланыштуу киргизилген. Ошондой эле ЕЭКтин Коллегиясынын чечими күчүнө киргенге чейин чыгарылган эски ветеринардык сертификаттардын бланктары 2016-жылдын 1-июнуна чейин колдонула тургандыгы белгиленди. 

ЕЭК Коллегиясынын чечими менен технологиялык документтердин топтому колдоого алынды, ал ЕАЭБ мамлекеттеринин бажы администрацияларынын ортосундагы маалыматтык байланыштарын жөнгө салат.

Атап айтканда, маалымат байланышынын эрежелери жана регламанти; электрондук документ жүргүзүүдөгү документтердин жана билдирүүлөрдүн электрондук түрүн аныктоочу талаптар жыйнагы; ошондой эле маалымат байланышты ишке ашыруудан мурда ар бир өлкө аткарууга тийиш болгон шарттар бекитилди.

Бул чечим Комиссияга мүчө өлкөлөрдүн бажы органдары менен бирдикте убактылуу ташып келинүүчү жана ташып чыгарылуучу эл аралык ташуунун транспорттук каражаттарын эсепке алууда жана контролдоодо маалымат байланышка киришүү мүмкүнчүлүгүн түзөт”, - деп түшүндүрдү ЕЭКтин бажы кызматташтыгы боюнча Министри Мукай Кадыркулов.