Sign In
ЕЭК ЕАЭБ өлкөлөрүнүн айыл чарба машиналарын куруудагы кооперациясын колдойт жана Монголиянын ветеринардык кызматы менен кызматташтык жөнүндө меморандумга кол коет

ЕЭК ЕАЭБ өлкөлөрүнүн айыл чарба машиналарын куруудагы кооперациясын колдойт жана Монголиянын ветеринардык кызматы менен кызматташтык жөнүндө меморандумга кол коет

12.09.17

Соода, өнөр жай саясаты, ветеринардык жана фитосанитардык көзөмөл, ошондой эле Евразия экономикалык биримдигинин (ЕАЭБ) өлкөлөрүнүн бажы кызматташтыгынын маселелери Евразия экономикалык комиссиясынын (ЕЭК) Коллегиясынын 12-сентябрда өткөн отурумунда талкууланды.

Евразия экономикалык биримдигинин (ЕАЭБ) өлкөлөрүндө жана Монголияда жаныбарлардын ооруларынын, ветеринардык-санитардык жактан кооптуу продукциянын жана карантиндик зыяндуу организмдердин таркалышын алдын алууга ЕЭК Коллегиясы тарабынан жактырылган, Евразия экономикалык комиссиясынын жана Монголиянын ветеринардык-санитардык жана карантиндик фитосанитардык чаралар жаатында Адистештирилген инспекциянын Башкы башкармалыгынын ортосунда Кызматташтык жөнүндө меморандум жардам берет.

Бул чөйрөдө кызматташтыкты өнүктүрүү жөнүндө макулдашуу 2017-жылдын мартында ЕЭКтин техникалык жөнгө салуу боюнча Коллегия мүчөсү (министр) Валерий Корешковдун Монголияга болгон жумушчу сапары учурунда жүргүзүлгөн.

“Меморандумдун алкагында өз ара аракеттешүү атап айтканда, өз ара кызыкчылыкты билдирген ченемдик, техникалык жана башка документация менен алмашуу жолу менен ишке ашырылат, - деп баса белгиледи Валерий Корешков. - Окутуучу семинарлар, илимий-практикалык конференциялар жана практик-адистердин кызматташтыгы ЕАЭБ өлкөлөрүнүн жана Монголиянын ортосунда соода-экономикалык байланыштарды кеңейтүүгө жардам беришет, ошондой эле мал багууда жана өсүмдүк өстүрүүдө ветеринардык көзөмөлдү күчөтүүгө мүмкүндүк беришет”.  

Ветеринардык жана фитосанитардык көзөмөл чөйрөсүндө учурдагы маселелерди талкуулоо үчүн Жумушчу топ түзүлгөн.

Коллегиянын мүчөлөрү ЕЭК министри Валерий Корешковго анын үстүбүздөгү жылдын октябрында Монголияга болгон жумушчу сапарында Меморандумга кол коюуну тапшырышкан.

ЕЭК Коллегиясы Евразия экономикалык биримдигинин айыл чарбасы үчүн машиналарга жана жабдууларга карата себилдегичтерди биргелешип даярдоо үчүн элементтерди өндүрүүчү ишканалардын тизмесин бекитти.  Ага дизель кыймылдаткычтарынын, гидравликалык системалардын, трансмиссиялардын, подшипниктердин элементтеринин, ошондой эле электрондук компоненттердин жана спутник навигациясынын 40тан ашык өндүрүүчүлөрү киришти. 

Тизме ЕЭКтин “Евразия экономикалык биримдигинин мүчө-мамлекеттеринин айыл чарба машиналарын куруу чөйрөсүндө кооперациялык кызматташтыгын өнүктүрүү жөнүндө” сунуш-көрсөтмөсүнүн алкагында бекитилген. Документ Биримдиктин өлкөлөрүнө айыл чарба машиналарын куруу чөйрөсүндө өндүрүштү уюштурууда аталган тизмени, ошондой эле үчүнчү өлкөлөрдө чыгарылган, айыл чарба машиналарына жана жабдууларына карата себилдегичтердин аналогдорунун  потенциалдуу керектөөчүлөрүнүн тизмесин колдонууну сунуштайт.

“Айыл чарба техникасы үчүн себилдегичтердин аналогдорун өндүрүү боюнча кооперациялык тизмекти түзүү бүгүнкү күндө эле ЕАЭБде импортту алмаштыруучу натыйжалуу өндүрүштү түзүүгө мүмкүндүк берүүдө”, - деп баса белгиледи ЕЭКтин өнөр жай жана агроөнөр жай комплекси боюнча Коллегия мүчөсү (министр) Сергей Сидорский.

Айыл чарба машиналарына жана жабдууларына карата себилдегичтерди биргелешип өндүрүү үчүн элементтердин өндүрүүчүлөрүнүн тизмесине Россиянын, Беларустун, Казакстандын жана Кыргызстандын өнөр жай ишканалары киришти. Алардын ичинде “Минск мотордук заводу” ААК жана “Минск подшипник заводу” ААК, казакстандык “Урал куюучу-механикалык заводу” ӨК жана “С.М.Киров атындагы завод” АК, кыргызстандык “Автомаш-Радиатор” ЖЧК, россиялык “Челябинск трактор заводу – УРАЛТРАК” ЖЧК жана “Автодизель” ААК (ЯМЗ) бар - бардыгы болуп 40 ашык ишкана. Алардын кубаттуулуктары айыл чарба машиналарынын жана жабдууларынын себилдегичтеринин 39 элементин  өндүрүүгө мүмкүндүк беришет, мисалы: ичинен күйүүчү кыймылдаткычтардын жана гидравликанын элементтерин жана системаларын, автоматташтырылган трансмиссияны, майлоочу майдын автоматташтырылган борборлоштурулган системасын, мостторду, подшипниктерди, аккумулятордук батареяларды, ошондой эле спутник навигациясынын электрондук компоненттерин жана системаларын.

ЕЭК Коллегиясы бажы алымдарын жана салыктарын төлөө боюнча милдеттерди аткарууну камсыздоонун өлчөмүн эсептөө үчүн электрондук документтин түзүмүн жана форматын бекитти. Чечим ЕАЭБтин Бажы кодексинин товарларды бажы жана башка документтерди жана маалыматтарды текшерүү аяктаганга чейин бажы пункттарынан кое берүү мүмкүнчүлүгүнө тиешелүү новелласын техникалык жүзөгө ашыруунун алкагында кабыл алынган.

Эсептөөнүн структурасы ЕАЭБ мамлекеттеринин электрондук бажы формулярларына киргизилиши керек болгон маалыматтардын тобун камтыйт. Иш жүзүндө бул Биримдик өлкөлөрүнүн иштеп чыгаруучулары ЕАЭБтин Бажы кодексинин жаңылыктарына ылайык бажы кызматтарынын программалык-техникалык ресурстарын модернизациялоодо жетекчиликке ала турган техникалык тапшырма. 

Буга чейин ЕЭК Коллегиясы өзүнүн 2017-жылдын 4-сентябрындагы № 112 чечими менен (караңыз.:www.eurasiancommission.org/ru/nae/news/Pages/4-09-2017-1.aspx) бажы алымдарын, салыктарын, атайын, демпингге каршы, компенсациялык алымдарды төлөө боюнча дайындарды чогултууга, милдеттин аткарылышын камсыздоонун өлчөмүн эсептөөнүн формасын толтурууга жана тартибине карата бирдиктүү талаптарды аныктаган.