Sign In
ЕЭКте дары-дармектердин жана медицина буюмдарынын жалпы рынокторунун иши үчүн 40 ченемдик документ даярдалды.

ЕЭКте дары-дармектердин жана медицина буюмдарынын жалпы рынокторунун иши үчүн 40 ченемдик документ даярдалды.

18.05.15

13-15-майда Алматыда Евразия экономикалык комиссиясынын Техникалык жөнгө салуу маселелер боюнча коллегиясынын Мүчөсү (Министри) Валерий Корешковдун төрагалыгы астында болуп өткөн, Евразия экономикалык бирликте (ЕАЭБ) дары каражаттарынын жана медицина буюмдарынын жүгүртүлүшү  боюнча жумушчу топтун отурумунда Бирликте дарылардын жана медицина буюмдарынын жакынкы келечекте катталышы жана жүгүртүлүшү, ошондой эле тиешелүү ченемдик документтердин долбоорлору каралды. 

«Бул документтер, - деп белгиледи Валерий Корешков, - ЕАЭБда дары-дармектердин жана медицина буюмдарынын жалпы рыногунун ишин 2016-жылдын 1-январынан тарта камсыз кылууга багытталган. Өтүп жаткан жылдын акырына чейин фармарынок боюнча 25 жана 15- медицина буюмдары боюнча ченемдик документ кабыл алуу туура келүүдө».

Отурумда жумушчу топтун мүчөлөрүнөн тышкары дагы, Бирликке мүчө мамлекеттердин фармацевтикалык компанияларынын жана  дары-дармектерди жана медицина буюмдарын чыгаруучу ассоциациялардын, ошондой эле чет өлкө өндүрүүчүлөрүнүн өкүлдөрү да катышышты. 

Жалпысынан алганда, бардык зарыл долбоорлор иштелип чыккандыгы, ал эми айрымдары даяр боло жаздап калгандыгы жана бир катары макулдашуу чегинде тургандыгы белгиленди. 

Тиешелүү фармацевтикалык иш-тажрыйбалар гана (GxP) даярдалып жатпастан, дары каражаттарынын каттоодон жана экспертизадан өтүшүн жөнгө салган ченемдик актылар да даярдалып, фармацевтикалык инспекцияларды жана өндүрүлгөн дары каражаттарынын биоэквиваленттүүлүгүн изилдөөлөрдү жүргүзүү, биологиялык дары каражаттарын изилдөөлөр жана башкалар ишке ашырылууда.

Дары каражаттарын жүгүртүү маселелери боюнча жумушчу топ тарабынан Медициналык жактан колдонуу үчүн дары препараттарынын жалпы мүнөздөмөсүнүн долбоорлору жана  дары препараттарын медициналык колдонуу боюнча нускамалар (кошумча-барак), Фармацевтикалык инспекцияларды жүргүзүү эрежелери жана Евразия экономикалык бирликке мүчө мамлекеттердин фармацевтикалык инспектораттарынын сапат системасына карата жалпы талаптардын, Өндүрүлгөн дары препараттарынын биоэквиваленттүүлүгүнө изилдөөлөрдү жүргүзүү эрежелеринин долбоорлору жактырылды жана коомдук талкууга сунушталды.

Жакынкы учурда бул документтердин долбоорлору ЕАЭБнын расмий сайтынын «Коомдук талкуулар жана ЖТБ» бөлүгүндө эркин пайдалануу мүмкүнчүлүгүндө  жайгаштырылат, жана бардык кызыкдар адамдар ага карата өз сунуш-пикирлерин жөнөтө алышат.

Медицина буюмдарын жүгүртүү маселелери боюнча жумушчу топ тарабынан жалпысынан алганда, Медицина буюмдарын каттоо схемасы жана ага негизделген Медицина буюмдарын каттоо жана экспертиза эрежелеринин долбоору, айрым жоболорун жеткире иштеп чыгуу зарылчылыгын эске алуу менен жактырылды.

Мындан тышкары, медицина буюмдарынын сапат менеджмент системасын жайылтуу, колдоо жана баалоого карата талаптар долбоору, аларды колдонуудагы потенциалдуу тобокелдиктерге жараша жактырылды.

Каттоо жана экспертиза эрежелерин кароо учурунда Тараптардын өкүлдөрү дары каражаттарын жана медицина буюмдарын каттоодо каттоо аракеттерине төлөөнүн өлчөмүнө жана типтерине карата бирдей ыкмалар тууралуу маселени көтөрүп чыгышты. Бул маселени кароо кийинки отурумдарда да улантылат.

Жумушчу топтун кийинки отурумун 2015-жылдын июнь айынын биринчи декадасында өткөрүү пландаштырылууда.

Маалымат:

Бирликте дары каражаттарын жана медицина буюмдарын жүгүртүү маселелери боюнча жумушчу топ Евразия экономикалык комиссиясынын Коллегиясынын астында 2012-жылы түзүлгөн. Жумушчу топтун курамына ЕЭКтин, ЕАЭБ өлкөлөрүнүн улуттук ыйгарым укуктуу мамлекеттик органдарынын жана бизнес-түзүмдөрүнүн өкүлдөрү киришет. Учурда жумушчу топтун негизги милдети болуп, Комиссиянын актыларынын долбоорлорун иштеп чыгуу саналат, алар 2014-жылдын декабрында кол коюлган Евразия экономикалык бирлигинин алкагында Дары каражаттарын жүгүртүүнүн бирдиктүү принциптери жана эрежелери жөнүндө келишимди жана Евразия экономикалык бирлигинин алкагында Медицина буюмдарын (медицинага багытталган буюмдарды жана медицина техникаларын) жүгүртүүнүн бирдиктүү принциптери жана эрежелери жөнүндө келишимди ишке ашырууга багытталган.