Sign In
ЕЭК ЕАЭБке киргизилүүчү товарларды бажылык контролдоонун өзгөчөлүктөрүн аныктады

ЕЭК ЕАЭБке киргизилүүчү товарларды бажылык контролдоонун өзгөчөлүктөрүн аныктады

28.03.18

Евразиялык экономикалык комиссиянын (ЕЭК) Коллегиясынын мүчөлөрү 27-мартта болуп өткөн отурумда Евразиялык экономикалык биримдиктин (ЕАЭБ) бажылык тескөө-башкаруусу жана өнөр жай саясаты жаатындагы чечимдерди кабыл алышты.

ЕЭК Коллегиясы ЕАЭБке киргизилүүчү товарлардын декларацияда көрсөтүлгөн баасын бажылык контролдоонун өзгөчөлүктөрүн аныктады.

Комиссиянын чечиминде товарлардын бажылык баасын контролдоону жүзөгө ашырууда бажы органы талап кылышы мүмкүн болгон документтердин тизмеси көрсөтүлгөн. Алардын арасында – өндүрүүчүнүн баа тизмелери, анын коммерциялык сунуштары, алып келинүүчү товарларды төлөө жөнүндө документтер, жеткирүү (таңгактоо) жөнүндө кагаздар ж.б.

Документ бажы органына буга чейин жеткиликтүү болгон Биримдикке киргизилүүчү товарлардын баасын тастыктоо үчүн колдонулуучу маалыматка карата талаптарды камтыйт.

Мындай маалыматтардын катарына салыштырылуучу товарлар боюнча маалымат, окшош, бир өңчөй товарлар, ошол эле класска же түргө кирген товарлар менен түзүлгөн бүтүмдөр жөнүндө маалымат же биржалык котировкалар, индекстер, аукциондордун баалары жана бир нече башкалар кирет.

ЕЭК Коллегиясынын чечиминде товарлардын көрсөтүлгөн бажылык баасынын ишенимсиздигинин белгилерин күбөлөндүргөн кырдаалдар, ошондой эле документтер жана маалыматтар текшерилбей турган жагдайлар көрсөтүлгөн.

Мындай белгилердин катарына, мисал үчүн, бир эле документте баалар жөнүндө маалыматтардын шайкеш келбегендиги, киргизүүнүн бирдей шарттарында окшош товардын баасына салыштырмалуу төмөнүрөөк бааны табуу кирет.

Эгер товар мурун киргизилген товарлар менен бирдей болсо, бир тышкы экономикалык келишимдин же контракттын алкагында киргизилген болсо, ал эми бүтүмдүн шарттары өзгөргөн эмес болсо, баа жөнүндө маалыматтар текшерилбейт.

Чечим Евразиялык экономикалык биримдиктин Бажы кодексин ишке ашыруу үчүн кабыл алынды жана бажылык бааны контролдоонун жол-жобосуна болгон мамилелердин бир түрдүүлүгүн камсыз кылат.

ЕЭК Коллегиясы Россия Федерациясын РФтин Эмгек жана социалдык коргоо министрлигинин 2012-жылдын 10-декабрындагы № 580н буйругун түзөтүүнүн зарылчылыгы тууралуу кабарландыруу жөнүндө чечим кабыл алды.

Бул документти Биримдиктин өнөр жай субсидиялары менен камсыз кылуунун бирдиктүү эрежелерине шайкеш келтирүү зарыл.

Эскерте кетсек, Россиянын Эмгек министрлигинин буйругу менен камсыздандырылуучунун атайын кийим-кече алуу боюнча чыгымдары, эгер ал атайын кийимдер келип чыккан өлкөсү Россия Федерациясы болгон трикотаждык кездемелерден же согулбаган материалдардан Россия Федерациясында тигилген болсо, каржылык камсыздоого жатат деп белгиленген.