Sign In
Виктор Христенко ЕАЭБда дарылардын жана медицина буюмдарынын жалпы рыногу иштей баштагандыгы тууралуу: «Өтө кыска мөөнөт ичинде биз коом жана бизнес чөйрөсү үчүн маанилүү кадам жасай алдык»

Виктор Христенко ЕАЭБда дарылардын жана медицина буюмдарынын жалпы рыногу иштей баштагандыгы тууралуу: «Өтө кыска мөөнөт ичинде биз коом жана бизнес чөйрөсү үчүн маанилүү кадам жасай алдык»

29.12.15

29-декабрда ЕЭК Коллегиясынын кезектеги отурумунда интеграция жана макроэкономика, экономика жана финансылык саясат, атаандаштык жана монополияга каршы жөнгө салуу, техникалык жөнгө салуу чөйрөсүндө маселелер каралды.

Каралган маселелердин эң чоң блогу дары жана медицина буюмдарына тиешелүү. Бул тармакта Коллегия жети документти жактырып, экөөнү кабыл алды. Бир документ боюнча тескеме кабыл алынды. Ошентип, мурда кабыл алынган чечимдерди эске алуу менен ЕЭКтин Коллегиясы Евразия экономикалык биримдигинде (ЕАЭБ) дары жана медицина буюмдарынын жалпы рыногунун иштей башташы үчүн зарыл болгон 35 документтин үстүнөн иштеп бүттү.

ЕЭК Коллегиясынын Төрагасы Виктор Христенко баса белгилегендей, Биримдик өлкөлөрүнүн алдыңкы адистеринин катышуусу менен Комиссия тарабынан иштелип чыккан документтер дүйнөлүк мыкты аналогдорго шайкеш келет. «Өтө кыска мөөнөт ичинде биз коом жана бизнес чөйрөсү үчүн маанилүү кадам жасай алдык», - деп билдирди Виктор Христенко. – Буларга кийин да көңүл буруп туруу зарыл. Бул биздин Биримдикте дары жана медицина буюмдарынын жалпы рыногунун натыйжалуу башталышы үчүн зарыл болот».

ЕЭК Коллегиясынын отурумунда медицина буюмдарынын номенклатурасын жүргүзүү эрежелери жана рецептсиз жана рецепт менен чыгарылуучу дары каражаттарынын категорияларын аныктоо эрежелери кабыл алынган. Ушуга байланыштуу ЕЭК Коллегиясы ЕАЭБге мүчө өлкөлөргө дарыларды чыгаруу шарттарын аныктоодо кабыл алынган эежелерге таянууну сунуш кылган.

Медициналык буюмдарды клиникалык жана клиникалык-лабораториялык сыноолордон (изилдөө) өткөрүү эрежелери, мындай сыноолорду (изилдөөлөрдү) жүргүзүүгө ыйгарым укук чегерилген уюмдарга карата талаптар, ошондой эле ыйгарым укуктуу уюмдардын бул талаптарга шайкеш келээрине баа берүү тартиби жактырылган. Мындан тышкары, ЕЭК Коллегиясы медициналык буюмдарды клиникалык жана клиникалык-лабораториялык сыноолордон (изилдөөлөрдөн) өткөрүү эрежелери, Медициналык буюмдардын жүгүртүлүшү жагында маалымат системасын түзүү жана жүргүзүү тартиби, Евразия экономикалык биримдигинин фармакөзөмөлүнүн тиешелүү тажрыйбадан өтүү эрежелери, Дары препараттарын медициналык колдонуу  жана медициналык колдонуу үчүн дары каражаттарынын жалпы мүнөздөмөсү боюнча нускоого карата талаптар, Евразия экономикалык биримдигинин биологиялык дары каражаттарына изилдөө жүргүзүү эрежелери, Биргелешкен фармацевтикалык инспекцияларды жүргүзүү тартиби, Евразия экономикалык биримдигинин фармацевтикалык инспекторлорунун реестрин түзүү жана жүргүзүү тартиби жактырылган.

ЕЭКтин Кеңеши 2016-жылдын 20-январында Коллегия тарабынан жактырылган бардык ченемдик документтерди кабыл алаары күтүлүүдө. Бул Россия менен ратификациядан кийин жана ЕАЭБ өлкөлөрүнүн ортосунда дарылардын жана медициналык буюмдардын айланымы тууралуу келишимдер күчүнө киргенден кийин болмокчу, бул Биримдикте жалпы рыноктордун толук кандуу иштешин камсыз кылат.