Sign In
Жаңылыктар

Чыпка Жаңылыктар

Багыт:
Датасына карай баштап
Select a date from the calendar.
чейин
Select a date from the calendar.
Об итогах внешней и взаимной торговли товарами Таможенного союза в январе-июне 2012 г.
28 августа 2012 | Таможенно-тарифное регулирование

По оперативным данным объем внешней торговли товарами государств – членов Таможенного союза за январь-июнь 2012 г. составил 459,6 млрд. долларов США, в том числе экспорт – 302,9 млрд. долларов США, импорт – 156,7 млрд. долларов США. Стоимостной объем экспорта по сравнению с январем-июнем 2011 г. в текущих ценах увеличился на 9,7%, или на 26,9 млрд. долларов США, импорта – на 4,8%, или на 7,2 млрд. долларов США.

Евразия экономикалык комиссиясы Бүткүл дүйнөлүк жаныбарлардын саламаттыгын сактоо уюму менен кызматташтыкты өнүктүрүүдө
29 Сентябрь | Техникалык жөнгө салуу

Жаныбарларды жана жаныбарлардан алынган продукцияны идентификациялоо жана байкоого алуу, жапайы жаныбарлардын арасындагы өзгөчө кооптуу илдеттерге улуттук ветеринардык кызматтарга көзөмөл жүргүзүү, ошондой эле Комиссия менен ЭЭБдин ортосундагы мындан аркы кызматташтык маселелери ЕЭК Коллегиясынын техникалык жөнгө салуу боюнча мүчөсү (министр) Виктор Назаренконун жана Бүткүл дүйнөлүк жаныбарлардын саламаттыгын сактоо уюмунун (ЭЭБ) Москвадагы Аймактык бюросунун башчысы Будимир Плавшичтин Евразия экономикалык комиссиясынын штаб-квартирасында өткөн жолугушуусунда каралды.

Сергей Глазьев: “Чоң Евразиялык өнөктөштүктүн алкагында узак мөөнөттүү мазмундуу демилгелер керек”
28 Сентябрь | Интеграция жана макроэкономика

Евразия экономикалык бирлиги Чоң Евразиялык өнөктөштүктүн борборлорунун бири болуусу, "Бир алкак - бир жол" кытайдын демилгеси менен айкалышуу, ошондой эле Азиянын жана Европанын бирикмелери жана мамлекеттери менен өз ара аракеттенүүнү күчөтүү маселелери Евразия экономикалык комиссиясынын штаб-квартирасындагы кеңешмеде талкууланды. Талкуу 2025-жылга чейин Евразиялык экономикалык интеграцияны өнүктүрүүнүн стратегиялык багыттарынын долбоорун ишке ашыруу планын даярдоонун алкагында өттү.

Артак Камалян: "Биз аймактарды өнөр жай жана АӨК чөйрөсүндөгү мамлекеттер аралык программаларга жана долбоорлорго жигердүү катышууга чакырабыз"
28 Сентябрь | Өнөр жай жана агроөнөр жай комплекси

25-сентябрда Евразия экономикалык комиссиясынын Коллегиясынын өнөр жай жана агроөнөр жай комплекси боюнча мүчөсү (министр) Артак Камалян Воронеж облусуна болгон жумушчу сапарынын алкагында губернатор Александр Гусев менен Евразия экономикалык бирлигинин (ЕАЭБ) өлкөлөрүнүн аймактык деңгээлдеги өнөр жай жана агроөнөр жай комплексиндеги өз ара аракеттенүүсүнүн келечегин талкуулады. Министр Комиссия мүчө мамлекеттер менен биргеликте жаңы стратегиялык документти - 2025-жылга чейинки кезектеги орто мөөнөттүү мезгилге өнөр жай кызматташтыгынын Негизги багыттарын иштеп чыккандыгы жөнүндө маалымдады.

EЭК жана ДССУ COVID-19 илдетинин жайылышын алдын алуу боюнча күч-аракеттерди бириктирет
25 Сентябрь | Техникалык жөнгө салуу

COVID-19 илдетинин жайылышын алдын алуу, керектөө рыногундагы тамак-аш өнүмдөрүнүн коопсуздугун көзөмөлдөө, дары каражаттарынын жана медициналык буюмдардын жүгүртүлүшүн, ошондой эле Евразия экономикалык бирлигинин Фармакопеясын жөнгө салуу маселелерин жана туруктуу өнүгүүнүн максаттарын Евразия экономикалык комиссиясынын Коллегиясынын техникалык жөнгө салуу боюнча мүчөсү (министри) Виктор Назаренко жана Дүйнөлүк саламаттыкты сактоо уюмунун Европадагы аймактык бюросунун директору Ханс Клюге EЭК штаб-квартирасында талкуулашты.

ЕЭК транспорт саясатын 2021-2023-жылдарда ишке ашыруу боюнча жаңы "жол картасынын" даярдайт
25 Сентябрь | Энергетика жана инфраструктура

22-24-сентябрь күндөрү Евразия экономикалык комиссиясынын (ЕЭК) Транспорт жана инфраструктура департаментинин директору Даурен Сабитовдун төрагалыгы астында Координацияланган (макулдашылган) транспорт саясатын 2021-2023-жылдарда ишке ашыруу боюнча "жол картасынын" долбоорун даярдоо боюнча жумушчу топтун экинчи отуруму болуп өттү.

Кубага ЕАЭБде байкоочу-мамлекет статусун берүү жөнүндө чечим 2020-жылдын аягына чейин кабыл алынышы мүмкүн
24 Сентябрь | ЕЭК Коллегиясынын Төрагасы | Интеграция жана макроэкономика

24-сентябрда Евразия экономикалык комиссиясына Куба Республикасынын Премьер-министрдин орун басары Рикардо Кабрисас Руис баштаган делегациясы расмий иш сапары менен келип кетти. ЕЭКтин штаб-квартирасында өлкөгө ЕАЭБде байкоочу-мамлекет статусун берүүнүн айрым аспектилерин тактоо боюнча Комиссиянын, Евразия экономикалык бирлигинин мамлекеттеринин жана Куба Республикасынын биргелешкен консультациялары, ошондой эле Куба делегациясынын ЕЭК Коллегиясынын Төрагасы Михаил Мясникович жана ЕЭКтин интеграция жана макроэкономика боюнча министри Сергей Глазьев менен жолугушуулары болуп өттү.

ЕАЭБде өнөр жай өндүрүшү беш жылда 12,2% өстү
24 Сентябрь | Өнөр жай жана агроөнөр жай комплекси

2019-жылы Евразия экономикалык бирлигинин бардык өлкөлөрүндө көпчүлүк тармактарда өнөр жай өндүрүшүнүн көлөмүнүн өсүшү белгиленген. Бул туурасында Евразия экономикалык комиссиясынын (ЕЭК) Коллегиясынын өнөр жай жана агроөнөр жай комлекси боюнча мүчөсү (министри) Артак Камалян ЕЭКтин Өнөр жай боюнча консультативдик комитетинин кезектеги отурумунда "Евразия экономикалык бирлигинин алкагында Өнөр жай кызматташтыгынын негизги багыттарын жүзөгө ашыруунун жылдык мониторингинин жана талдоонун жыйынтыктары жөнүндө" баяндамасын сунуштап жатып билдирди.

ЕЭКте ЕАЭБке ташып келинген товарларды байкоого алуу механизми жөнүндө макулдашууну жүзөгө ашыруу маселелери боюнча Долбоордук кеңсе ишин баштады
24 Сентябрь | ЕЭК Коллегиясынын Төрагасы | Экономика жана каржы саясаты

23-сентябрда Евразия экономикалык комиссиясынын (ЕЭК) Москвадагы штаб-квартирасында Евразия экономикалык бирлигинин (ЕАЭБ) бажы аймагына ташылып келинген товарларды байкоого алуу механизми жөнүндө Макулдашууну ишке ашыруу боюнча Долбоордук кеңсенин биринчи отуруму болуп өттү.

ЕЭКтин соода боюнча министри Андрей Слепнев Европа менен тарыхый байланыштарды күчөтүү үчүн Верона форумун пайдаланууга чакырды
23 Сентябрь | Соода

Евразиялык экономикалык комиссиясынын (ЕЭК) Коллегиясынын соода боюнча мүчөсү (министр) Андрей Слепнев 22-23-октябрга белгиленген, Веронада өтө турган XIII Евразиялык форумга арналган онлайн конференцияга катышты. Ошондой эле иш-чарада Италиянын Россиядагы Атайын жана Ыйгарым укуктуу Элчиси Паскуале Терраччано, «Евразияны тааныйбыз» Ассоциациясынын президенти, Интеза Банкынын башкармалыгынын төрагасы Антонио Фаллико жана "Росконгресс" фондунун башкармалыгынын төрагасы, директору Александр Стуглевдин сөз сүйлөштү.

ЕЭК Кеңеши ЕАЭБдин интеграцияланган маалыматтык тутумуна комплекстүү экспертизанын жүргүзүлүшүн жактырды
23 Сентябрь | ЕЭК Коллегиясынын Төрагасы | Ички рыноктор, маалыматташтыруу, маалыматтык-коммуникациялык технологиялар

Евразия экономикалык комиссиясынын (ЕЭК) Кеңеши тутумду модернизациялоо жана өнүктүрүү боюнча сунуштамаларды иштеп чыгуу, Евразия экономикалык бирлигинин (ЕАЭБ) 2025-жылга чейинки санариптик күн тартибинин алкагында долбоорлорду ишке ашырууда учурдагы аспаптарды жана сервистерди колдонуу мүмкүнчүлүгүн талдоо үчүн интеграцияланган маалыматтык тутумга (ИМТ) комплекстүү техникалык экспертиза жүргүзүү жөнүндө тескемени кабыл алды. Аталган демилге интеграцияланган маалыматтык тутумду өнүктүрүү жана модернизациялоодогу мүмкүн болгон жаңы мамилелерди иштеп чыгууга багытталган.