Навіны
Актуалізаваны пералікі стандартаў да тэхрэгламенту на аўтамабільны і авіяцыйны бензін, дызельнае і суднавае паліва, паліва для рэактыўных рухавікоў і мазут
Калегія Еўразійскай эканамічнай камісіі на пасяджэнні 15 жніўня актуалізавала пералікі стандартаў да тэхнічнага рэгламенту Мытнага саюза «Аб патрабаваннях да аўтамабільнага і авіяцыйнага бензіну, дызельнага і суднавага паліва, паліва для рэактыўных рухавікоў і мазуту».
Змяненні ў пералікі стандартаў падрыхтаваны па выніках маніторынгу прыняцця, прымянення, абнаўлення і адмены стандартаў, уключаных у адпаведныя пералікі стандартаў. Мэта змяненняў – стварэнне ўмоў прымянення актуальных версій стандартаў і планамерны пераход ад нацыянальных стандартаў да міждзяржаўных па меры іх распрацоўкі і ўводу ў дзеянне.
У актуалізаваныя пералікі стандартаў да названага тэхрэгламенту ўключаны 142 стандарты. Сярод іх – 112 міждзяржаўныя стандарты, у ліку якіх 22 распрацаваны на аснове міжнародных стандартаў ISO;
14 нацыянальных стандартаў Рэспублікі Казахстан, сярод якіх 7 – распрацаваны на аснове рэгіянальных стандартаў ASTM; 5 дзяржаўных стандартаў Рэспублікі Беларусь, сярод якіх 2 – распрацаваны на аснове міжнародных стандартаў ISO; 11 нацыянальных стандартаў Расійскай Федэрацыі.
У дачыненні да стандартаў, якія замяняюцца, вызначаны пераходны перыяд іх прымянення.
