Калегія Еўразійскай эканамічнай камісіі на пасяджэнні 9 чэрвеня зацвердзіла актуалізаваныя рэдакцыі праграм распрацоўкі міждзяржаўных стандартаў, якія забяспечваюць рэалізацыю і прымяненне ў краінах Еўразійскага эканамічнага саюза тэхнічных рэгламентаў «Аб бяспецы чыгуначнага рухомага саставу», «Аб бяспецы высакаскораснага чыгуначнага транспарту», «Аб бяспецы інфраструктуры чыгуначнага транспарту».

Праграма да тэхрэгламенту на чыгуначны рухомы састаў прадугледжвае распрацоўку 31 міждзяржаўнага стандарту на аснове нацыянальных стандартаў дзяржаў ЕАЭС, перагляд 17 міждзяржаўных стандартаў, унясенне змяненняў у два міждзяржаўныя стандарты, распрацоўку міждзяржаўных стандартаў на аснове дзвюх методык выпрабаванняў, распрацоўку трох новых міждзяржаўных стандартаў.

Па Праграме да тэхрэгламенту на высакаскорасны чыгуначны транспарт будуць распрацаваны 24 міждзяржаўныя стандарты на аснове нацыянальных стандартаў дзяржаў-членаў, перагледжаны 20 міждзяржаўных стандартаў. Таксама плануецца ўнесці змяненні ў дзевяць міждзяржаўных стандартаў, распрацаваць міждзяржаўны стандарт на аснове методыкі выпрабаванняў і два новыя міждзяржаўныя стандарты.

Праграмай да тэхрэгламенту на інфраструктуру чыгуначнага транспарту прадугледжаны распрацоўка 14 міждзяржаўных стандартаў на аснове нацыянальных стандартаў дзяржаў Саюза, перагляд васьмі міждзяржаўных стандартаў, унясенне змяненняў у два міждзяржаўныя стандарты. Акрамя таго, намечана распрацаваць тры новыя міждзяржаўныя стандарты.

Па асобных міждзяржаўных стандартах адказны распрацоўшчык не вызначаны і ўстаноўлены статус «Перспектыўная распрацоўка».