Міністр па тэхнічным рэгуляванні Еўразійскай эканамічнай камісіі Аляксандр Субоцін 27 ліпеня выступіў на штогадовым семінары для кіраўнікоў дыпламатычных прадстаўніцтваў і консульскіх устаноў Беларусі ў Мінску з дакладам аб ролі тэхнічнага рэгулявання і СФС-мер у развіцці знешняга і ўнутранага гандлю ў рамках Еўразійскага эканамічнага саюза.
Міністр ЕЭК адзначыў, што, напрыклад, для Рэспублікі Беларусь, з улікам яе знешняга тавараабароту, які склаў у 2025 годзе каля 90 млрд. долараў, адзіныя правілы на еўразійскай прасторы маюць непасрэднае эканамічнае значэнне.
Што да санітарных, ветэрынарна-санітарных і каранцінных фітасанітарных мер, то яны, на думку міністра ЕЭК, заўсёды знаходзяцца на мяжы паміж неабходнай абаронай і гандлёвым абмежаваннем. Пры ўспышцы захворвання, выяўленні каранціннага аб'екта або небяспечнай прадукцыі дзяржава абавязана прымаць меры.«Адзінымі патрабаваннямі ахоплена асноўная частка прадукцыі, якая абарачаецца ў ЕАЭС, – ад харчавання, тавараў для дзяцей і прадукцыі лёгкай прамысловасці да машын, электратэхнікі, транспартных сродкаў, нафты і газу. Бяспека тавараў і звязаных з імі працэсаў – мэта і сутнасць тэхнічнага рэгулявання», – заявіў Аляксандр Субоцін.
Асобныя акцэнты былі зроблены на шэрагу іншых пытанняў, якім блок па тэхнічным рэгуляванні Еўразійскай эканамічнай камісіі надае пільную ўвагу.
Аляксандр Субоцін прапанаваў разгледзець магчымасць выкарыстання экспертнага патэнцыялу дыпламатычных прадстаўніцтваў Беларусі па некалькіх напрамках, звязаных са сферамі тэхнічнага рэгулявання і СФС-мер, у прыватнасці для ранняга выяўлення рэгулятарных змяненняў на знешніх рынках.
