Міністр па тэхнічным рэгуляванні Еўразійскай эканамічнай камісіі Аляксандр Субоцін у штаб-кватэры ЕЭК правёў рабочую сустрэчу з кіраўніком Рэгіянальнага прадстаўніцтва Сусветнай арганізацыі здароўя жывёл (САЗЖ) па Еўропе Будзімірам Плаўшычам.

Аляксандр Субоцін падкрэсліў значнасць Мемарандума аб узаемаразуменні паміж ЕЭК і САЗЖ, у рамках якога бакі плённа супрацоўнічаюць ужо 12 гадоў.

Абмеркаваны ход выканання Праграмы мерапрыемстваў па рэалізацыі Мемарандума на 2025-2027 гады, адзначана паспяховасць правядзення шэрага мерапрыемстваў, арганізаваных для ўпаўнаважаных органаў краін Еўразійскага эканамічнага саюза, разгледжаны перспектывы сумеснай работы.

Будзімір Плаўшыч акцэнтаваў увагу на планах еўрапейскага прадстаўніцтва САЗЖ і значнасці ўдзелу супрацоўнікаў Камісіі ў шэрагу ключавых афіцыйных мерапрыемстваў, сярод якіх – Генеральная сесія Сусветнай асамблеі дэлегатаў САЗЖ і канферэнцыі рэгіянальных камісій САЗЖ. Ён таксама распавёў аб 32-й канферэнцыі рэгіянальнай камісіі па Еўропе, якая мае адбыцца ў верасні бягучага года, дзе будуць, у прыватнасці, разгледжаны пытанні біябяспекі ў дачыненні да трансгранічных хвароб жывёл.

Па выніках сустрэчы бакі выказалі ўпэўненасць, што сяброўская атмасфера і калегіяльнасць, якія склаліся, зробяць далейшае супрацоўніцтва яшчэ больш эфектыўным.