Кіраўнікі ўрадаў і міжнародных арганізацый разгледзелі прыярытэтныя пытанні ўмацавання ўзаемадзеяння па розных напрамках, уключаючы гандлёва-эканамічнае і інвестыцыйнае.
У прыватнасці, абмеркаваны меры выканання Стратэгіі развіцця ШАС да 2035 года.
Удзельнікі нарады надалі асаблівую ўвагу супрацоўніцтву ў сферах лічбавізацыі і штучнага інтэлекту, энергетыкі, зялёнай эканомікі, інавацый, турызму.
Вынікі пасяджэння адлюстраваны ў сумесным камюніке. Акрамя таго, зафіксавана кансалідаваная пазіцыя дзяржаў ШАС у мэтах абароны справядлівай шматбаковай гандлёвай сістэмы.
ШАС аб'ядноўвае дзесяць дзяржаў-членаў: Беларусь, Індыю, Іран, Казахстан, Кітай, Кыргызстан, Пакістан, Расію, Таджыкістан і Узбекістан.
На сустрэчу ў Маскве таксама запрошаны прадстаўнікі дзяржаў-партнёраў па дыялогу і назіральнікаў, зацікаўленых краін, выканаўчых органаў шэрагу міжнародных арганізацый і аб'яднанняў.
Мемарандум аб узаемаразуменні паміж ЕЭК і Сакратарыятам ШАС падпісаны ў 2021 годзе.
