Навіны
Да 1 верасня 2023 года спрошчаны правілы маркіроўкі тавараў знакам ЕАС
Савет Еўразійскай эканамічнай камісіі прыняў рашэнне аб магчымасці нанясення на прадукцыю знака ЕАС і маркіроўкі з інфармацыяй для спажыўцоў аб складзе, тэрміне прыдатнасці, звесткі аб вытворцу і г.д. пасля ўвозу прадукцыі – праходжання мытных працэдур. Пры гэтым маркіроўка павінна быць нанесена на прадукцыю да яе рэалізацыі спажыўцу (пакупніку). Такое спрашчэнне па маркіроўцы можа прымяняцца да 1 верасня 2023 года.
Таксама на падставе рашэння Савета ЕЭК да 1 верасня 2023 года ўрадамі краін ЕАЭС могуць быць устаноўлены асаблівасці прымянення рашэння Савета ЕЭК ад 12 лістапада 2021 года № 130 у частцы вызначэння парадку і выпадкаў прадстаўлення мытным органам дакументаў аб ацэнцы адпаведнасці (звестак аб такіх дакументах) пры змяшчэнні прадукцыі пад мытныя працэдуры. Устаноўленыя на нацыянальным узроўні асаблівасці ўвозу прадукцыі, якая падлягае абавязковай ацэнцы адпаведнасці на тэрыторыі ЕАЭС, не могуць выключаць абавязковасць выканання патрабаванняў тэхнічных рэгламентаў ЕАЭС.
Рашэнне прынята ў рамках рэалізацыі пераліку мер па павышэнні ўстойлівасці эканомік дзяржаў ЕАЭС, уключаючы забеспячэнне макраэканамічнай стабільнасці, зацверджанага распараджэннем Савета Камісіі ад 17 сакавіка 2022 г. № 12. Прынятая мера неабходная для падтрымання стабільнай прапановы тавараў на рынках краін ЕАЭС, у дачыненні да якіх уведзены эканамічныя санкцыі.
