Савет Еўразійскай эканамічнай камісіі прадоўжыў тарыфную льготу ў выглядзе вызвалення ад выплаты мытнай пошліны ў дачыненні да электрамабіляў, якія ўвозяцца ў краіны Еўразійскага эканамічнага саюза ў абмежаванай колькасці, па 31 снежня 2025 года.
Вызваленне ад выплаты мытных пошлін прадастаўляецца толькі грамадзянам, якія пастаянна пражываюць у Рэспубліцы Арменія, Рэспубліцы Беларусь, Рэспубліцы Казахстан і Кыргызскай Рэспубліцы. Пры гэтым не дапускаецца перадача правоў валодання, карыстання і распараджэння электрамабілямі асобам, якія маюць грамадзянства і (або) пастаяннае месца жыхарства ў Расійскай Федэрацыі.
«Як чакаецца, прадаўжэнне тэрмінаў прымянення тарыфнай ільготы ў комплексе з іншымі мерамі, накіраванымі на стымуляванне попыту на электрамабілі, іх вытворчасці і развіццё сеткі зарадных станцый, будзе садзейнічаць больш шырокаму распаўсюджванню такіх транспартных сродкаў», – адзначыў міністр па гандлі ЕЭК Андрэй Сляпнёў.
Даведка
Стаўка ўвазной мытнай пошліны АМТ ЕАЭС у дачыненні да электрамабіляў складае 15% ад мытнага кошту. У адпаведнасці з Рашэннем Савета ЕЭК ад 16 сакавіка 2020 года № 29 у перыяд з 4 мая 2020 года па 31 снежня 2021 года ўключна прымянялася пошліна ў памеры 0%. А ў адпаведнасці з п. 7.1.38 Рашэння Камісіі Мытнага саюза ад 27 лістапада 2009 года № 130 прадастаўлена тарыфная льгота ў выглядзе вызвалення ад выплаты мытнай пошліны ў дачыненні да электрамабіляў, якія ўвозяцца ў краіны ЕАЭС у абмежаванай колькасці, тэрмінам па 31 снежня 2023 г.