Навіны
05.12.2022 (Обновлено: 13.12.2022 11:27)
ЕЭК і Аб'яднаная калегія мытных службаў краін Саюза абмяркоўваюць перспектывы далейшага супрацоўніцтва
Перспектывы далейшага ўзаемадзеяння мытнага блока Еўразійскай эканамічнай камісіі і Аб'яднанай калегіі мытных службаў (АКМС) краін Еўразійскага эканамічнага саюза, а таксама мэтазгоднасць яго фармалізацыі ў праве ЕАЭС абмеркавалі на пляцоўцы Камісіі пад кіраўніцтвам міністра па мытным супрацоўніцтве ЕЭК Максата Мамытканава прадстаўнікі нацыянальных мытных службаў Саюза і іншых зацікаўленых дзяржорганаў краін Саюза.
«Сёння нам неабходна вызначыцца з папраўкамі ў Дагавор аб Аб'яднанай калегіі мытных службаў, якія ўжо прайшлі стадыю ўнутрыдзяржаўнага ўзгаднення», – сказаў міністр ЕЭК.
«Мытныя службы нашых краін зацікаўлены ў арганізацыі ўзаемадзеяння на пляцоўцы Аб'яднанай калегіі з прадстаўнікамі Камісіі і сумесным абмеркаванні пытанняў, у сувязі з чым на кожнае пасяджэнне АКМС запрашаюцца міністр ЕЭК і службовыя асобы мытнага блока Камісіі», – адзначыў намеснік кіраўніка ФМС Расіі Уладзімір Івін.
Чарговае пасяджэнне Аб'яднанай калегіі, да ўдзелу ў якім запрошаны прадстаўнікі мытнага блока Камісіі, адбудзецца 9 снежня гэтага года ў Рэспубліцы Казахстан.
Даведка
У адпаведнасці з Дагаворам аб Аб'яднанай калегіі мытных службаў дзяржаў-членаў Мытнага саюза ад 22 чэрвеня 2011 года гэты міжведамасны орган створаны ў мэтах каардынацыі ўзаемадзеяння мытных органаў саюзных дзяржаў, забеспячэння рэалізацыі мэт і задач Саюза, уніфікацыі прымянення міжнародных дагавораў, якія рэгулююць мытныя праваадносіны, і актаў у сферы мытнага рэгулявання. Пасяджэнні Аб'яднанай калегіі мытных службаў дзяржаў ЕАЭС праводзяцца штоквартальна
