Гаворка ідзе пра імпартныя матэрыялы і сыравіну для выпуску фотаэлектрычных элементаў і модуляў на аснове высокаэфектыўнай гетэраструктурнай тэхналогіі. У Еўразійскім эканамічным саюзе аналагі з патрэбнымі якаснымі характарыстыкамі не вырабляюцца.
«Сучасная тэхналогія вытворчасці такіх сонечных батарэй робіць прадукцыю запатрабаванай не толькі на тэрыторыі Саюза, але і на замежных рынках. Ухваленае сёння рашэнне дапаможа падтрымаць унутраных вытворцаў», – адзначыў дырэктар Дэпартамента мытна-тарыфнага і нетарыфнага рэгулявання ЕЭК Ваагн Казаран.
Акрамя таго, мера, якая прымаецца, будзе мець вялікае значэнне для прыняцця рашэнняў аб павелічэнні вытворчых магутнасцяў па выпуску сонечных батарэй.
Таксама Савет ЕЭК даручыў Калегіі ў аператыўным парадку разгледзець пытанне аб абнуленні ставак пошлін у дачыненні да яшчэ некалькіх катэгорый тавараў, якія выкарыстоўваюцца для вытворчасці сонечных батарэй.
Рашэнне ўступае ў сілу па заканчэнні 10 каляндарных дзён ад даты яго афіцыйнага апублікавання.