Нагадаем, асноўныя арыенціры былі ўхвалены Вышэйшым Еўразійскім эканамічным саветам 21 мая бягучага года. У дакуменце зафіксаваны арыенцір росту для краін Саюза ў 4,5 - 5,5% у год.
Мерапрыемствы пераліку па рэалізацыі асноўных арыенціраў згрупаваны ў чатыры напрамкі.
1. Забеспячэнне макраэканамічнай стабільнасці і фарміраванне спрыяльных умоў для аднаўлення прадпрымальніцкай актыўнасці і нарошчвання аб'ёмаў інвестыцый.
Напрамак уключае ў сябе меры па падтрыманні стабільнасці цэн шляхам рэалізацыі эфектыўнай грашова-крэдытнай палітыкі, развіцці механізмаў фінансавага рынку для прыцягнення доўгатэрміновых інвестыцыйных рэсурсаў, забеспячэнні абароны канкурэнцыі на трансгранічных рынках, стымуляванні пераходу да разлікаў у нацыянальных валютах і іншыя меры.
2. Стварэнне спрыяльных умоў для развіцця вытворчай кааперацыі ў апрацоўчай прамысловасці.
У прыватнасці, мяркуецца развіваць механізмы крэдытавання кааперацыі і вытворчасці сумесна вырабленай прадукцыі, распрацоўваць і рэалізоўваць еўразійскія міждзяржаўныя праграмы, сфарміраваць пералік сумесных маштабных высокатэхналагічных праектаў, здольных стаць сімваламі еўразійскай інтэграцыі.
3. Развіццё навукова-тэхналагічнага і вытворчага патэнцыялу Саюза.
Напрамак прадугледжвае выпрацоўку парадку ўзаемнага інфармавання дзяржаў аб планах у галіне фундаментальных і прыкладных навуковых даследаванняў, вызначэнне крытэрыяў сумесных даследаванняў, узаемадзеянне дзяржаў-членаў у галіне энергазберажэння, энергаэфектыўнасці, выкарыстання аднаўляльных крыніц энергіі і аховы навакольнага асяроддзя.
4. Пашырэнне магчымасцяў унутранага рынку Саюза і ўзаемавыгадных адносін з трэцімі краінамі.
У гэтым напрамку мяркуецца зрабіць акцэнт на пашырэнні інструментаў фінансавання, якія выкарыстоўваюцца дзеючымі інстытутамі развіцця, на распрацоўцы прапаноў па фарміраванні агульнага біржавога рынку тавараў у рамках Саюза, на ліквідацыі існых і недапушчэнні ўзнікнення новых перашкод на ўнутраным рынку Саюза. Асаблівая ўвага нададзена пазіцыянаванню Саюза як аднаго з цэнтраў фарміравання інтэграцыйнага контуру Вялікага Еўразійскага партнёрства, а таксама развіццю ўзаемавыгадных адносін з трэцімі краінамі, міжнароднымі арганізацыямі і інтэграцыйнымі аб'яднаннямі.
Пералік уключае ў сабе мерапрыемствы для ажыццяўлення краінамі і для рэалізацыі Камісіяй, а таксама чаканы эканамічны эфект ад іх выканання.