Аналіз міжнароднай практыкі і вопыту ЕАЭС дазваляе вылучыць асноўныя напрамкі дзяржаўнага рэгулявання і падтрымкі развіцця лічбавых паслуг у сельскай гаспадарцы.
У дакуменце гаворка ідзе пра садзейнічанне на дзяржаўным узроўні фізічнай і эканамічнай даступнасці Інтэрнэту і інфармацыйна-камп’ютарных тэхналогій у сельскай мясцовасці як фундаментальны фактар, прадастаўленне грантаў на распрацоўку лічбавых рашэнняў для АПК у рамках рэалізацыі спецыяльных акселерацыйных праграм, прымяненне міждысцыплінарнага падыходу да рэалізацыі дзяржаўных навукова-тэхнічных праграм. Гаворыцца пра неабходнасць павышаць «лічбавую пісьменнасць», выкарыстоўваючы акадэмічныя і кароткатэрміновыя праграмы навучання студэнтаў і сялян, каб у іх была магчымасць эфектыўнага прымянення лічбавых тэхналогій, у тым ліку тэхналогій дакладнага земляробства ў адпаведнасці з прынятай у сакавіку гэтага года рэкамендацыяй Калегіі ЕЭК.
Эксперты Камісіі падкрэсліваюць, што лічбавізацыя працэсаў прадастаўлення дзяржпадтрымкі сельскай гаспадаркі дазволіць знізіць адміністрацыйную нагрузку на ўпаўнаважаныя органы краін ЕАЭС. Забеспячэнне аўтаматызацыі ўзаемадзеяння дзяржаўных інфармацыйных баз даных зробіць больш даступнымі субсідыі для сельгаставаравытворцаў.
Мяркуецца, што выкарыстанне прыведзенага ў аглядзе вопыту развіцця лічбавізацыі АПК у рамках Саюза будзе спрыяць павышэнню канкурэнтаздольнасці галіны на ўнутраным і экспартных рынках.
https://eec.eaeunion.org/comission/department/dep_agroprom/gosudarstvennaya-podderzhka.php
Аддзел інфармацыйнага забеспячэння Дэпартамента пратакола і арганізацыйнага забеспячэння ЕЭК