Механізм падтрымкі прамысловай кааперацыі ў рамках Еўразійскага эканамічнага саюза прэзентаваны ў Гандлёва-прамысловай палаце Расійскай Федэрацыі для дзелавых аб'яднанняў, фінансавых арганізацый і гандлёва-прамысловых палат краін еўразійскай «пяцёркі».

Міністр па прамысловасці і аграпрамысловым комплексе Еўразійскай эканамічнай камісіі Гоар Барсегян у сваім выступленні адзначыла, што запуск механізму фінансавай падтрымкі кааперацыйных праектаў у галінах прамысловасці стаў адным са значных дасягненняў бягучага этапу інтэграцыі. Яна падзякавала Прэзідэнту ГПП Расіі Сяргею Катырыну і прадстаўнікам гандлёва-прамысловых палат і дзелавых аб'яднанняў дзяржаў Еўразійскага эканамічнага саюза за канструктыўны ўдзел у распрацоўцы і прасоўванні гэтай ініцыятывы.

«Заклікаю вас яшчэ больш актыўна ўдзельнічаць у практычнай рэалізацыі новага наднацыянальнага механізму, які дае ўнікальныя магчымасці для прадпрыемстваў рэальнага сектара эканомікі і накіраваны на ўстойлівае развіццё прамысловага патэнцыялу нашых дзяржаў», – звярнулася да ўдзельнікаў мерапрыемства Гоар Барсегян.

Аб розных аспектах прымянення механізму фінансавай падтрымкі прамысловых кааперацыйных праектаў распавёў намеснік дырэктара Дэпартамента прамысловай палітыкі ЕЭК Георгій Арзуманян. Ён прадставіў першыя праекты, якія атрымалі падтрымку Камісіі, з удзелам прадпрыемстваў краін Саюза, закрануўшы практычныя пытанні падрыхтоўкі заявак на атрыманне субсідый.