Прамысловы сектар з'яўляецца ключавым прыярытэтам новага этапу еўразійскай эканамічнай інтэграцыі і традыцыйна выступае драйверам росту ў рэальным сектары эканомікі Еўразійскага эканамічнага саюза. Пра гэта заявіла міністр па прамысловасці і аграпрамысловым комплексе Еўразійскай эканамічнай камісіі Гоар Барсегян на з'ездзе Расійскага саюза прамыслоўцаў і прадпрымальнікаў.

«Адным са значных дасягненняў бягучага этапу інтэграцыі стала ўкараненне механізму фінансавай падтрымкі кааперацыйных праектаў. З чэрвеня 2024 года ў ЕАЭС пачаў дзейнічаць пілотны механізм субсідзіравання працэнтных ставак па крэдытах і пазыках, накіраваны на рэалізацыю сумесных кааперацыйных праектаў», – адзначыла міністр ЕЭК.

Гоар Барсегян прадставіла два першыя праекты, ухваленыя Саветам Камісіі: Мурамскі стрэлачны завод па выпуску прадукцыі для будаўніцтва высакахуткасны чыгуначнай магістралі Масква – Санкт-Пецярбург і кампанія Kazrost Engineering Ltd. па пашырэнні вытворчасці сельгастэхнікі на тэрыторыі Рэспублікі Казахстан з удзелам прадпрыемстваў іншых краін ЕАЭС.

«У цяперашні час па даручэнні кіраўнікоў урадаў дзяржаў-членаў Камісія працуе над пашырэннем механізму фінансавай падтрымкі кааперацыі ў сферы аграпрамысловага комплексу. Сумесна з бізнесам абмяркоўваюцца крытэрыі і крыніцы такой падтрымкі з улікам спецыфікі АПК», – адзначыла Гоар Барсегян, дадаўшы, што ЕЭК працягвае працу над стварэннем умоў для ўстойлівага росту і паглыблення інтэграцыі ў інтарэсах усіх дзяржаў-членаў.

Міністр ЕЭК заклікала прадстаўнікоў бізнесу і аб'яднанняў дзелавых колаў краін ЕАЭС да актыўнага ўдзелу ў практычнай рэалізацыі гэтага наднацыянальнага інструмента, які адкрывае шырокія магчымасці для ўмацавання эканамічнага супрацоўніцтва і развіцця прамысловага патэнцыялу.