Навіны
Міхаіл Мясніковіч: «ЕАЭС гатовы развіваць супрацоўніцтва з Таджыкістанам у рамках усіх існых фарматаў»
У рамках саміту кіраўнікоў дзяржаў-членаў ШАС 16 верасня адбылася сустрэча Старшыні Калегіі Еўразійскай эканамічнай камісіі Міхаіла Мясніковіча з Прэм'ер-міністрам Рэспублікі Таджыкістан Кахірам Расулзада.
Старшыня Калегіі ЕЭК адзначыў маштабнасць і выключную важнасць правядзення ў Таджыкістане мерапрыемстваў па лініі ШАС і АДКБ для ўсёй еўразійскай прасторы.
На думку Міхаіла Мясніковіча, гандлёва-эканамічнае супрацоўніцтва краін ЕАЭС і Таджыкістана актыўна развіваецца і мае вялікі патэнцыял. У першым паўгоддзі 2021 года ўзаемны тавараабарот склаў 1,15 млрд дол. ЗША, прадэманстраваўшы рост на 41% у параўнанні з аналагічным перыядам 2020 года.
«ЕАЭС гатовы развіваць супрацоўніцтва з Таджыкістанам, выкарыстоўваючы ўвесь арсенал наяўных у саюза фарматаў узаемадзеяння. Упэўнены, што вынікам такой працы стане нарошчванне аб'ёму паставак прадукцыі ў краіны ЕАЭС і ўмацаванне эканомікі Таджыкістана ў цэлым», – заявіў Міхаіл Мясніковіч.
Міхаіл Мясніковіч падкрэсліў, што Камісія гатова аказаць Ураду Таджыкістана неабходную інфармацыйную і аналітычную падтрымку.
У рамках сустрэчы бакі таксама абмеркавалі актуальныя пытанні, якія ўяўляюць узаемную цікавасць.
Даведка:
Краіны ЕАЭС і Таджыкістан аб'ядноўваюць актыўнае гандлёва-эканамічнае супрацоўніцтва, агульная гісторыя і цесныя гуманітарныя сувязі, у тым ліку даўняе ўзаемадзеянне ў рамках СНД, АДКБ і ШАС. У 2020 годзе абарот знешняга гандлю дзяржаў ЕАЭС з Таджыкістанам склаў 1,77 млрд дол. ЗША. Ужо ў першым паўгоддзі 2021 года прыкметны значны рост – абарот 1,15 млрд дол. ЗША (+41%) экспарт 950 млн дол. ЗША (+28%), імпарт 200 млн дол. ЗША (у 2,6 разы).
