Навіны

14.09.2021 (Обновлено: 29.12.2021 09:33)

Новая рэдакцыя ТН ЗЭД ЕАЭС і АМТ ЕАЭС уступае ў сілу з 1 студзеня 2022 года

1 студзеня 2022 года ўступае ў сілу сёмае выданне Гарманізаванай сістэмы апісання і кадзіравання тавараў (ГС), якая з'яўляецца міжнароднай асновай адзінай Таварнай наменклатуры знешнеэканамічнай дзейнасці Еўразійскага эканамічнага саюза (ТН ЗЭД ЕАЭС).


Выданне ГС 2022 года – гэта вынік чарговага пяцігадовага цыкла ўсебаковага перагляду наменклатуры, які праводзіцца Сусветнай мытнай арганізацыяй (СМытА) на пастаяннай аснове. Паводле інфармацыі СМытА, новае выданне ГС змяшчае ў сабе больш за 350 серый паправак, абумоўленых зменамі характару і структуры сусветнага гандлю, сацыяльнымі і экалагічнымі пытаннямі глабальнага характару. 

Еўразійскай эканамічнай камісіяй на працягу 2020 - 2021 гадоў актыўна ажыццяўлялася праца па прывядзенні адзінай Таварнай наменклатуры знешнеэканамічнай дзейнасці і Адзінага мытнага тарыфу Еўразійскага эканамічнага саюза (АМТ ЕАЭС) у адпаведнасць з міжнароднай асновай.

Савет Камісіі 14 верасня зацвердзіў новую рэдакцыю гэтых дакументаў.

«Пры гэтым стаўкі ўвазных мытных пошлін у новай рэдакцыі АМТ ЕАЭС, якая пачне прымяняцца з 1 студзеня будучага года, захаваны на дзеючым узроўні і ў поўнай меры ўлічваюць тарыфныя абавязацельствы ў рамках Сусветнай гандлёвай арганізацыі», – падкрэсліў міністр па гандлі ЕЭК Андрэй Сляпнёў.

Адначасова з зацвярджэннем новай рэдакцыі ТН ЗЭД ЕАЭС Камісіяй праводзіцца праца па актуалізацыі права Саюза.