На пасяджэнні Вышэйшага Еўразійскага эканамічнага савета 29 мая ў Астане кіраўнікі краін Еўразійскага эканамічнага саюза разгледзелі вынікі рэалізацыі Стратэгічных напрамкаў развіцця еўразійскай эканамічнай інтэграцыі да 2025 года.
У падагульняючым дакладзе адзначана, што за пяць гадоў дзеяння дакумента Еўразійская эканамічная камісія сумесна з краінамі ЕАЭС правяла маштабную нарматворчую і практычную работу.
Рэалізацыя Стратэгіі дазволіла стварыць умовы для апераджальнага развіцця эканомік дзяржаў-членаў, росту інвестыцыйнай і інавацыйнай актыўнасці, павышэння канкурэнтаздольнасці, павелічэння вагі дзяржаў ЕАЭС у сусветнай гандлёва-эканамічнай сістэме.«Падрыхтавана 18 міжнародных дагавораў і пагадненняў, зацверджана каля 500 актаў органаў Саюза», – адзначыў міністр па інтэграцыі і макраэканоміцы ЕЭК Даніяр Іманаліеў
«За мінулае пяцігоддзе ВУП дзяржаў-членаў вырас на 16,6%, прамысловая вытворчасць павялічылася на 18,9%, вытворчасць прадукцыі сельскай гаспадаркі – на 12,4%. Доля разлікаў ва ўзаемным гандлі
ў нацыянальных валютах дасягнула гістарычнага рэкорду ў 93,3%. Пашырыліся межы супрацоўніцтва з трэцімі краінамі і міжнароднымі аб'яднаннямі і арганізацыямі», – падкрэсліў Даніяр Іманаліеў.
Рэалізацыя Стратэгіі забяспечыла паспяховае функцыянаванне Саюза, развіццё ўзаемавыгаднага супрацоўніцтва ў ключавых сектарах, удасканаленне інстытуцыйнай сістэмы ЕАЭС. Закладзена аснова для далейшага развіцця інтэграцыйных працэсаў па шэрагу напрамкаў, уключаючы эканамічнае супрацоўніцтва ў новых сферах (спорт, турызм, адукацыя, ахова здароўя, зялёныя тэхналогіі, абарона навакольнага асяроддзя, энергазберажэнне і энергаэфектыўнасць, навукова-тэхнічнае развіццё).
Дзяржавы Саюза істотна рушылі наперад у стварэнні адзінай бясшвовай эканамічнай прасторы. Для гэтага, у прыватнасці, былі вызначаны прававыя асновы адзінай сістэмы мытнага транзіту, запушчаны механізм адсочвання перавозак з выкарыстаннем навігацыйных пломбаў. Зацверджаны пералікі еўразійскіх транспартных калідораў і маршрутаў, а таксама маштабных інфраструктурных праектаў у сферы транспарту. Створана прававое асяроддзе для рэгулявання знешняга і ўзаемнага электроннага гандлю. Прыняты шэраг ключавых актаў для фарміравання агульнага фінансавага і энергетычнага рынкаў.
Многія з вынікаў Стратэгіі ўжо цяпер адчувальныя для грамадзян і прадпрымальніцкай супольнасці. Гэта, напрыклад, запуск механізма фінансавання прамысловай кааперацыі, аптымізацыя правілаў распрацоўкі патрабаванняў бяспекі прадукцыі, узаемнае прызнанне дакументаў аб вучоных ступенях у рамках Саюза, урэгуляванне пенсіённых правоў працоўных, набытых пры ажыццяўленні імі працоўнай дзейнасці на тэрыторыях іншых дзяржаў-членаў.
З бягучага года работа па развіцці еўразійскай эканамічнай прасторы прадаўжаецца ў рамках рэалізацыі Плана мерапрыемстваў па рэалізацыі Дэкларацыі «Еўразійскі эканамічны шлях». Ён зацверджаны Саветам ЕЭК у снежні 2025 года.
