Гэта вынікае з экспрэс-агляду Дэпартамента статыстыкі Еўразійскай эканамічнай камісіі.
Павелічэнне прамысловай вытворчасці ў студзені - жніўні 2021 года назіралася ў Беларусі – на 8,6%, Расіі – на 4,5%, Казахстане – на 2,4% і Арменіі – на 1,0%, зніжэнне – у Кыргызстане – на 7,3%.
Найбольшы рост адзначаны ў водазабеспячэнні, каналізацыйнай сістэме, кантролі над зборам і размеркаваннем адходаў – на 18,9%. Аб'ём вытворчасці ў электразабеспячэнні, падачы газу, пара і паветраным кандыцыяніраванні павялічыўся на 7,6%, у апрацоўчай прамысловасці – на 5,4%, у горназдабыўной прамысловасці і распрацоўцы кар'ераў у ЕАЭС – на 1,7%.