З 31 ліпеня 2026 года пачынаецца другі этап практычнай рэалізацыі Пагаднення аб прымяненні ў Еўразійскім эканамічным саюзе навігацыйных пломбаў для адсочвання перавозак.
У рамках гэтага этапа пашыраецца прымяненне навігацыйных пломбаў у дачыненні да перавозак тавараў у адпаведнасці з мытнай працэдурай мытнага транзіту на:
усе катэгорыі тавараў, якія перавозяцца аўтамабільным відам транспарту;
асобныя катэгорыі падаткаёмістых тавараў (адзенне, абутак, бытавая тэхніка), якія перавозяцца чыгуначным відам транспарту.
Указаныя тавары будуць падлягаць адсочванню дадаткова да тавараў, вызначаных першым этапам, за выключэннем выключэнняў, устаноўленых Рашэннем Савета Камісіі ад 9 ліпеня 2026 г. № 71.
Нагадаем, у рамках першага этапа (распачаты з 11 лютага 2026 г.) пламбіраванню падлягаюць:
- санкцыйныя і асобныя віды падакцызных тавараў (алкаголь/тытунь), якія перавозяцца аўтамабільным і (або) чыгуначным відамі транспарту ў адпаведнасці з мытнымі працэдурамі транзіту, экспарту, а таксама перамяшчаюцца паміж дзяржавамі-членамі ў рамках узаемнага гандлю;
- асобныя катэгорыі тавараў (адзенне, абутак, тэхніка), якія перавозяцца аўтамабільным транспартам у адпаведнасці з мытнай працэдурай мытнага транзіту;
– нікацінзмяшчальная прадукцыя, нікацінавая сыравіна (якія класіфікуюцца ў пазіцыях 2404, 2939 79 000 0 і 2939 80 000 0 адзінай Таварнай наменклатуры знешнеэканамічнай дзейнасці Еўразійскага эканамічнага саюза), якія змяшчаюцца пад мытную працэдуру экспарту.
