Навіны

«Асноўнай задачай змяненняў з’яўляецца забеспячэнне ўзаемнага прызнання кодаў маркіроўкі, удакладненне пералікаў тавараў, у дачыненні да якіх яна можа быць уведзена, а таксама прывядзенне раней прынятых рашэнняў у адпаведнасць з палажэннямі Базавай мадэлі сістэмы маркіроўкі ў ЕАЭС і Рашэннем Савета Камісіі № 41», – адзначыў міністр па гандлі Еўразійскай эканамічнай камісіі Андрэй Сляпнёў.

Ён удакладніў, што размова ідзе пра рашэнні па маркіроўцы абутку, тавараў лёгкай прамысловасці, шын, пакрышак, духоў, туалетнай вады, фотакамер і малочнай прадукцыі.

У прыватнасці, для забеспячэння ўзаемнага прызнання кодаў маркіроўкі ў склад другой групы даных кода маркіроўкі ўключаецца лічбавы ідэнтыфікатар дзяржавы - члена Саюза, у якой гэты код быў эмітаваны. 

Акрамя таго, у рамках унясення змяненняў у пералікі тавараў, якія падлягаюць маркіроўцы, прынята рашэнне: 

- не распаўсюджваць патрабаванні па маркіроўцы на парфумерную прадукцыю аб’ёмам да 3 мл уключна; 

- выключыць з пераліку тавараў, якія падлягаюць маркіроўцы, шыны і новыя пнеўматычныя гумавыя пакрышкі для веласіпедаў; 

- выключыць з пераліку марожанае і дэсерты без утрымання малочных тлушчаў і (або) малочнага бялку ў складзе.