Савет ЕЭК ухваліў новы кааперацыйны праект і прадастаўленне з бюджэту ЕАЭС субсідыі на яго рэалізацыю
19.11.2025
Заяўнікам па праекце выступае ПАТ «Ашчадбанк» (Расія). Праект рэалізуецца Курганскім заводам дарожных машын пры ўдзеле прадпрыемстваў з Беларусі і Казахстана, якія пастаўляюць камплектуючыя для вытворчасці гатовай прадукцыі.
«У рамках праекта фарміруецца ланцужок дабаўленай вартасці, выбудоўваюцца доўгатэрміновыя ўстойлівыя эканамічныя сувязі і ствараюцца новыя працоўныя месцы на прадпрыемствах краін Еўразійскага эканамічнага саюза», – адзначыла міністр па прамысловасці і аграпрамысловым комплексе Еўразійскай эканамічнай камісіі Гоар Барсегян.
Рэалізацыя праекта дасць магчымасць павялічыць аб'ёмы вытворчасці комплексных дарожных машын (КДМ) і смеццявозаў сумеснай вытворчасці на новай вытворчай пляцоўцы Курганскага завода. У планах – арганізаваць серыйны выпуск абсталявання для КДМ з аб'ёмам вытворчасці не менш за 530 адзінак прадукцыі ў год да 2029 года.
Механізм фінансавай падтрымкі вытворцаў краін ЕАЭС прадугледжвае субсідзіраванне працэнтнай стаўкі па крэдытах і пазыках, якія выдаюцца фінансавымі арганізацыямі на рэалізацыю сумесных праектаў, з бюджэту ЕАЭС.
«Удзел у механізме дазволіць прадпрыемству знізіць стаўку крэдытавання з 23% да 6,5%», – падкрэсліла міністр ЕЭК.
