Савет Еўразійскай эканамічнай камісіі на пасяджэнні 18 кастрычніка прыняў пералік мерапрыемстваў па рэалізацыі асноўных арыенціраў макраэканамічнай палітыкі дзяржаў Еўразійскага эканамічнага саюза на 2024-2025 гады, раней зацверджаных кіраўнікамі дзяржаў ЕАЭС на пасяджэнні Вышэйшага Еўразійскага эканамічнага савета.

Зацверджанымі асноўнымі арыенцірамі пастаўлена задача выйсці на траекторыю штогадовага прыросту ВУП ЕАЭС, які перавышае тэмпы развіцця сусветнай эканомікі. Для вырашэння пастаўленай задачы Еўразійская эканамічная камісія распрацавала пералік мерапрыемстваў, якія згрупаваны ў чатыры напрамкі.

Першы напрамак – гэта стварэнне спрыяльных макраэканамічных умоў для нарошчвання аб'ёмаў інвестыцый. Другі – развіццё навукова-тэхналагічнага патэнцыялу ЕАЭС. Да трэцяга напрамку аднесена ўмацаванне вытворчай базы дзяржаў-членаў і развіццё кааперацыі ў рэальным сектары. Чацвёртая група мерапрыемстваў накіравана на развіццё ўнутранага рынку Саюза і пашырэнне экспартных магчымасцяў.

Пералік уключае ў сябе мерапрыемствы, рэкамендаваныя для ажыццяўлення дзяржавамі-членамі, дзеянні Камісіі па выкананні палажэнняў зацверджанага дакумента, а таксама чаканы эканамічны вынік ад іх рэалізацыі.