Калегія Еўразійскай эканамічнай камісіі 19 сакавіка зацвердзіла мадэрнізаваную структуру сертыфіката забеспячэння выканання абавязку па выплаце мытных пошлін, падаткаў.

Новая структура можа выкарыстоўвацца для фарміравання як разавага, так і генеральнага сертыфіката, у мэтах унясення змяненняў (дапаўненняў) у сертыфікат, спынення дзеяння (пагашэння) сертыфіката.

Праект рашэння прадугледжвае адкладзены тэрмін уступлення ў сілу (1 красавіка 2025 года), што звязана з неабходнасцю дапрацоўкі інфармацыйных сістэм мытных органаў, а таксама ўвядзеннем у дзеянне адпаведнага агульнага працэсу ў рамках Еўразійскага эканамічнага саюза.

Прыняты акт з'яўляецца вынікам паслядоўнай працы мытнага блока Камісіі па ўдасканаленні лічбавай апрацоўкі інфармацыі пры здзяйсненні мытных аперацый.