9 чэрвеня на пасяджэнні Калегіі Еўразійскай эканамічнай камісіі прынята рэкамендацыя «Аб кваліфікацыйных патрабаваннях да найбольш запатрабаваных прафесій і пасад у сферы ўнутранага воднага транспарту».

Прынятая рэкамендацыя вызначыла падыходы да агульных і спецыяльных патрабаванняў да прафесійных ведаў і навыкаў работнікаў у сферы ўнутранага воднага транспарту, з улікам рознага ўзроўню кваліфікацый і асаблівасцяў розных відаў работ.

«Дзяржавы-члены ЕАЭС маюць магчымасць улічваць згаданыя рэкамендацыі пры фарміраванні нацыянальнай палітыкі. Пытанні рэалізацыі такіх рэкамендацый знаходзяцца ў кампетэнцыі кожнага боку і ажыццяўляюцца з улікам унутранага заканадаўства, прыярытэтаў і нацыянальных асаблівасцяў», – адзначыў міністр па энергетыцы і інфраструктуры ЕЭК Арзыбек Кожашаў.

Рэалізацыя рэкамендацыі накіравана на садзейнічанне фарміраванню агульнага рынку паслуг воднага транспарту на прасторы ЕАЭС.