22 ліпеня 2026 года ўступіла ў сілу Часовае гандлёвае пагадненне паміж Еўразійскім эканамічным саюзам, яго дзяржавамі-членамі і Манголіяй.

Пры мытным дэклараванні для ўказання прымянення тарыфнай прэферэнцыі ў дачыненні да тавараў, якія паходзяць з Манголіі або дзяржавы - члена Еўразійскага эканамічнага саюза і ўвозяцца на мытную тэрыторыю Еўразійскага эканамічнага саюза ў рамках Пагаднення, прадугледжаны новы код «МЕ», а для ўказання звестак аб сертыфікаце аб паходжанні тавара формы EAM – код «06022».

Адпаведнае рашэнне прынята Калегіяй Еўразійскай эканамічнай камісіі 21 ліпеня 2026 года.

Звяртаем увагу, што адзначанае Рашэнне ўступае ў сілу пасля заканчэння 30 каляндарных дзён ад даты яго афіцыйнага апублікавання. Да гэтага пры мытным дэклараванні тавараў трэба выкарыстоўваць код «ТІ» (іншыя, не пайменаваныя ў падраздзеле 1.1, ільготы па выплаце мытных пошлін) і код «06999» (іншыя дакументы, звязаныя з паходжаннем тавару).

Увядзенне новых кодаў спрашчае ўлік знешнегандлёвых аперацый і садзейнічае зніжэнню фінансавых затрат пры ажыццяўленні знешнеэканамічнай дзейнасці.

Нагадаем, што часовае гандлёвае пагадненне паміж Еўразійскім эканамічным саюзам і яго дзяржавамі-членамі і Манголіяй было падпісана ў Мінску 27 чэрвеня 2025 года.