Савет Еўразійскай эканамічнай камісіі па прапанове казахстанскага боку ўнёс змяненні ў Правілы вызначэння краіны паходжання асобных відаў тавараў для мэт дзяржаўных закупак. Ухвалены вытворчыя ўмовы і тэхналагічныя аперацыі па таварнай прадукцыі «Рэйкавыя змацаванні з пругкімі клемамі» галіны «Чыгуначнае машынабудаванне».

Пры выкананні прынятых умоў рэйкавыя змацаванні будуць лічыцца вырабленымі ў ЕАЭС і бесперашкодна дапускацца да ўдзелу ў дзяржзакупках у краінах Саюза. 

Нагадаем, што краіна паходжання тавару, умовы вытворчасці да якога вызначаюцца Правіламі, пры ўдзеле ў дзяржаўных закупках пацвярджаецца шляхам прадастаўлення выпіскі з Еўразійскага рэестра прамысловых тавараў дзяржаў-членаў ЕАЭС.