Савет Еўразійскай эканамічнай камісіі зацвердзіў парадак правядзення абавязковай перыядычнай ацэнкі навукова-тэхнічнага ўзроўню тэхнічных рэгламентаў Еўразійскага эканамічнага саюза, якія ўступілі ў сілу, і пералікаў стандартаў да іх. 

Ключавым пытаннем, на вырашэнне якога накіраваны парадак ацэнкі, з'яўляецца прывядзенне патрабаванняў да прадукцыі, вызначаных у тэхрэгламентах Саюза, у адпаведнасць з сучасным развіццём навукі, тэхналогій, вытворчасцяў і даследчай базы.

Парадкам ацэнкі вызначаюцца этапы і працэдуры арганізацыі, планавання і правядзення ацэнкі навукова-тэхнічнага ўзроўню тэхрэгламентаў ЕАЭС і разгляду вынікаў гэтай ацэнкі.

Парадак ацэнкі накіраваны на сістэмную работу па своечасовай актуалізацыі патрабаванняў да прадукцыі, вызначаных у тэхнічных рэгламентах і стандартах да іх, на аснове аналізу актуальнасці, абгрунтаванасці і перспектыўнасці такіх патрабаванняў; стварэнне ўмоў для павышэння канкурэнтаздольнасці і экспартнага патэнцыялу прадукцыі, якая ўваходзіць у абсяг прымянення адпаведных тэхрэгламентаў Саюза.