Савет Еўразійскай эканамічнай камісіі прыняў рэкамендацыю «Аб Стратэгічнай праграме навукова-тэхнічнага развіцця Еўразійскага эканамічнага саюза на доўгатэрміновы перыяд «рамачнага» характару».

Праграма распрацавана ў рамках рэалізацыі Стратэгічных напрамкаў развіцця еўразійскай эканамічнай інтэграцыі да 2025 года і накіравана на фарміраванне канкурэнтаздольнага навукова-даследчага патэнцыялу за кошт аб'яднання намаганняў дзяржаў-членаў ЕАЭС у развіцці сумесных інавацыйных праектаў, а таксама на павышэнне тэхналагічнага ўзроўню эканомік краін Саюза.

Праграмай вызначаны сферы ўзаемнай цікавасці, парадак абмену вопытам і ўзаемадзеяння дзяржаў-членаў у галіне навукова-тэхнічнага развіцця, крытэрыі арганізацыі сумесных даследаванняў і інавацыйных праектаў, а таксама ўлічаны напрамкі і прыярытэты супрацоўніцтва, якія рэалізуюцца дзяржавамі-членамі.