На пасяджэнні Вышэйшага Еўразійскага эканамічнага савета зацверджаны Асноўныя арыенціры макраэканамічнай палітыкі дзяржаў Еўразійскага эканамічнага саюза на перыяд 2026-2027 гадоў. Дакумент канкрэтызуе перспектыўныя напрамкі работы па актывізацыі ўзаемадзеяння ў рамках ЕАЭС.

Былі ўлічаны глабальныя эканамічныя тэндэнцыі і асаблівасці эканомік краін еўразійскай «пяцёркі». Запланаваны комплекс мер па прыярытэтных напрамках.   

Па-першае, важна забяспечыць устойлівае макраэканамічнае асяроддзе, прывабнае для інвестараў. Для гэтага прапанавана падтрымліваць узровень інфляцыі ў межах нацыянальных мэтавых арыенціраў, павышаць устойлівасць бюджэтаў і доўгу, стымуляваць прыцягненне капіталу і нарошчваць выкарыстанне нацыянальных валют ва ўзаемаразліках.

Па-другое, рэкамендавана ўмацоўваць супрацоўніцтва ў рэальным сектары эканомікі ўнутры Саюза, развіваць навукова-тэхналагічны патэнцыял і інавацыі, пашыраць фінансаванне сумесных праектаў і павышаць эфектыўнасць выкарыстання транзітных маршрутаў.

Акрамя таго, трэба будзе забяспечыць стабільнае функцыянаванне ўнутранага рынку ЕАЭС і пашырыць магчымасці экспарту.

Выкананне адзначаных задач заклікана забяспечыць выхад у сярэднетэрміновай перспектыве на траекторыю штогадовага росту сукупнага ВУП краін аб'яднання тэмпамі не ніжэй за рост сусветнай эканомікі.