Намеснікі кіраўнікоў урадаў краін Еўразійскага эканамічнага саюза падпісалі Пагадненне аб дапушчальных масах, восевых нагрузках і габарытах транспартных сродкаў пры руху па аўтамабільных дарогах дзяржаў ЕАЭС, уключаных у еўразійскія транспартныя калідоры.

Пагадненне ліквідуе адно з абмежаванняў на ўнутраным рынку Саюза – неадпаведнасць патрабаванняў да вагавых і габарытных параметраў транспартных сродкаў.

«Павялічыў мінімальныя дапушчальныя значэнні і ўстанавіўшы агульныя патрабаванні, мы гарманізавалі нацыянальныя вагагабарытныя нормы грузавых транспартных сродкаў. Такім чынам, перавозчыку не спатрэбіцца атрыманне дадатковага спецыяльнага дазволу, які патрабаваўся раней у выпадку дзеяння ў адной з дзяржаў-членаў больш нізкіх вагагабарытных параметраў», – адзначыў міністр па энергетыцы і інфраструктуры Еўразійскай эканамічнай камісіі Арзыбек Кожашаў.

Рэалізацыя Пагаднення дасць магчымасць спрасціць перамяшчэнне транспарту ў ЕАЭС і павысіць эфектыўнасць міждзяржаўных перавозак па еўразійскіх транспартных калідорах.