Аб ліквідацыі тэхнічных бар'ераў ва ўзаемным гандлі паміж Еўразійскім эканамічным саюзам і трэцімі краінамі распавёў намеснік дырэктара Дэпартамента тэхнічнага рэгулявання і акрэдытацыі Еўразійскай эканамічнай камісіі Максім Кім на міжнародным форуме «Новыя гарызонты акрэдытацыі ва ўмовах сучасных выклікаў» у Мінску.

У прыватнасці, ён адзначыў, што пачатак прадметнага абмеркавання пытанняў ліквідацыі тэхнічных бар'ераў быў пакладзены яшчэ пры падрыхтоўцы Дагавора аб ЕАЭС. У 2021 годзе дзяржавы-члены падпісалі Пагадненне аб парадку і ўмовах ліквідацыі тэхнічных бар'ераў ва ўзаемным гандлі з трэцімі краінамі. У яго аснове – прынцып парытэтнасці абавязацельстваў ЕАЭС і трэцяй краіны, якія вядуць да ліквідацыі такіх бар'ераў, а рэалізацыя практычных дамоўленасцяў прадугледжваецца ў фармаце міжнароднага дагавора ЕАЭС і пяці яго дзяржаў-членаў з трэцяй краінай.

Пагадненнем аб міжнародных дагаворах Саюза з трэцімі дзяржавамі, міжнароднымі арганізацыямі або міжнароднымі інтэграцыйнымі аб'яднаннямі ад 2018 года прадугледжана правядзенне ацэнкі эканамічнай мэтазгоднасці заключэння міжнародных дагавораў, у тым ліку па пытаннях ліквідацыі тэхнічных бар'ераў у гандлі.

«У неабходнасці ацэнкі эканамічнай мэтазгоднасці заключэння міжнароднага дагавора крыецца асноўная цяжкасць – вызначэнне пераліку прадукцыі, на якую будуць распаўсюджвацца будучыя дамоўленасці аб ліквідацыі тэхнічных бар'ераў у гандлі з канкрэтнай трэцяй краінай», – падкрэсліў Максім Кім.

Па словах прадстаўніка Камісіі, прадметам далейшых абмеркаванняў могуць стаць працэдуры вызначэння супастаўнасці абавязковых патрабаванняў ЕАЭС і трэцяй краіны, парадак прызначэння органаў па ацэнцы адпаведнасці, якія ўдзельнічаюць у работах па ўзаемным прызнанні вынікаў ацэнкі адпаведнасці, забеспячэнне кантролю за бяспекай прадукцыі, якая паступае ў абарачэнне ў дзяржавах ЕАЭС на падставе прызнання вынікаў работ па ацэнцы адпаведнасці, атрыманых у замежных органах.

Максім Кім выказаў надзею, што сумесная праца экспертаў дзяржаў-членаў, трэціх краін, Камісіі, усіх зацікаўленых органаў і прадстаўнікоў бізнес-супольнасці дапаможа вырашыць гэтыя пытанні і будзе садзейнічаць пашырэнню гандлёва-эканамічных сувязяў ЕАЭС з трэцімі краінамі.

У рамках форуму прадстаўнік ЕЭК правёў шэраг сустрэч з прадстаўнікамі Міністэрства прамысловасці, Дзяржаўнага камітэта па стандартызацыі Рэспублікі Беларусь і Беларускага дзяржаўнага інстытута па стандартызацыі і сертыфікацыі. Абмеркаваны ўзаемадзеянне паміж нацыянальным аператарам сістэм электронных пашпартоў Беларусі і адміністратарам сістэм электронных пашпартоў АТ «Электронны пашпарт», а таксама пытанні фарміравання і вядзення адзінага рэестра выдадзеных ухваленняў тыпу транспартнага сродку, пасведчанняў аб бяспецы канструкцыі транспартнага сродку.