Навіны
У ЕЭК абмеркавалі развіццё аграпрамысловага комплексу
Шэраг пытанняў, якія датычацца развіцця аграпрамысловага комплексу Еўразійскага эканамічнага саюза, абмеркавалі ўдзельнікі пасяджэння Кансультатыўнага камітэта па аграпрамысловым комплексе Еўразійскай эканамічнай камісіі пад старшынствам Міністра па прамысловасці і аграпрамысловым комплексе ЕЭК Артака Камаляна.
У прыватнасці, разгледжаны праект рэкамендацыі Калегіі Камісіі «Аб развіцці селекцыі і насенняводства сельскагаспадарчых раслін у дзяржавах-членах Еўразійскага эканамічнага саюза» і Агляд развіцця селекцыі і насенняводства сельскагаспадарчых раслін у дзяржавах-членах, накіраваныя на навуковае і матэрыяльна-тэхнічнае забеспячэнне галіны, актывізацыю супрацоўніцтва ў сферы генетычных рэсурсаў раслін, развіццё прамысловага насенняводства і плодагадавальнікаводства, а таксама сістэмы падрыхтоўкі кадраў, удасканаленне нарматыўна-прававога рэгулявання і мер дзяржаўнай падтрымкі.
Дакументы распрацаваны на падставе вынікаў навукова-даследчай работы, выкананай расійскім Нацыянальным даследчым універсітэтам «Вышэйшая школа эканомікі» сумесна з навуковымі, адукацыйнымі і даследчымі арганізацыямі, прадстаўнікамі галіновых аб'яднанняў і бізнес-супольнасцяў краін ЕАЭС.
У Аглядзе асветлены бягучы стан селекцыі і насенняводства ў дзяржавах Саюза, узаемны і знешні гандаль насеннем і пасадачным матэрыялам, параметры галіновых праграм развіцця і мер дзяржпадтрымкі названых сфер.
«Нашы рэкамендацыі перш за ўсё накіраваны на стварэнне прывабных умоў для работы селекцыянераў і насенняводаў у рамках ЕАЭС, а таксама развіццё агульнага рынку насення Саюза», – падкрэсліў Артак Камалян.
Удзельнікі пасяджэння ўхвалілі ўнясенне змяненняў у Парадак правядзення апрабацыі новых парод, тыпаў, ліній і кросаў сельскагаспадарчых жывёл у дзяржавах ЕАЭС у частцы яго дапаўнення дадаткам па ацэнцы на адметнасць, аднастайнасць, стабільнасць і ўстойлівасць да захворванняў апрабаваных новых парод, тыпаў, ліній і кросаў сельскагаспадарчых жывёл.
«Змяненні, якія ўносяцца, дазволяць завяршыць фарміраванне прававой асновы пры правядзенні апрабацыі, уніфікаваць работу па зацвярджэнні селекцыйных дасягненняў у жывёлагадоўлі, якія ствараюцца, а таксама забяспечыць іх прызнанне ў рамках ЕАЭС. Гэта, у сваю чаргу, будзе спрыяць росту генетычнага патэнцыялу жывёл, нарошчванню аб'ёмаў вытворчасці канкурэнтаздольнай племянной прадукцыі, зніжэнню залежнасці ад імпарту і павелічэнню аб'ёмаў узаемных паставак, – адзначыў Міністр ЕЭК.Падчас пасяджэння таксама ўхвалены праект рэкамендацыі Калегіі ЕЭК «Аб уніфікаваных падыходах да ўліку малочнай прадуктыўнасці і правядзенні лабараторнага кантролю якасці малака буйной рагатай жывёлы малочнага напрамку прадуктыўнасці», накіраваны на ўніфікацыю ў ЕАЭС і павышэнне дакладнасці працэсаў уліку малочнай прадуктыўнасці і правядзення лабараторнага кантролю якасці малака пры ацэнцы малочнай прадуктыўнасці буйной рагатай жывёлы малочнага напрамку прадуктыўнасці, якая праводзіцца ў адпаведнасці з актамі Камісіі на аснове вопыту дзяржаў Саюза і методык, рэкамендаваных Міжнародным камітэтам па ўліку жывёл.
Прыняцце рэкамендацыі Калегіі ЕЭК дасць магчымасць павысіць узровень арганізацыі і вядзення племянной справы і будзе спрыяць развіццю вытворчасці канкурэнтаздольнай племянной прадукцыі і ўстойліваму функцыянаванню галіны жывёлагадоўлі на тэрыторыях дзяржаў-членаў ЕАЭС.
Кіраўніцтва Дэпартамента аграпрамысловай палітыкі праінфармавала ўдзельнікаў нарады аб развіцці інтэграванай інфармацыйнай сістэмы АПК, якая забяспечвае электронны абмен данымі паміж дзяржавамі, а таксама адкрывае доступ да інфармацыі ў гэтай сферы ўсім зацікаўленым асобам. Падсістэму фарміруюць інфармацыйныя рэсурсы па асноўных напрамках узгодненай аграпрамысловай палітыкі, у тым ліку два агульныя працэсы.
Падчас пасяджэння члены Камітэта абмеркавалі пытанні рэалізацыі краінамі ЕАЭС агульных працэсаў па фарміраванні, вядзенні і выкарыстанні адзінага рэестра гатункаў сельскагаспадарчых раслін і фарміраванні, вядзенні і выкарыстанні базы даных аб племянных жывёлах і селекцыйных дасягненнях у галіне племянной жывёлагадоўлі.
