Наўрыз сімвалізуе згоду і гасціннасць, стварэнне і росквіт. У гэтым свяце спалучаюцца звычаі розных народаў, якія аб'яднаны агульнай тэмай адраджэння і абнаўлення прыроды.
«Прыміце шчырыя віншаванні са святам Наўрыз мейрамы! Наша інтэграцыйнае аб'яднанне, заснаванае на прынцыпах роўнасці, сяброўства і стварэння, увасабляе ў сабе шматлікае з таго, што ляжыць у аснове гэтага светлага свята. Наўрыз збліжае мільёны людзей па ўсім свеце», – звярнуўся да гасцей мерапрыемства Старшыня Калегіі ЕЭК Бакытжан Сагінтаеў.
На адзін дзень штаб-кватэра Камісіі ператварылася ў каларытны куток Усходу. Гасцей сустракалі гукі домбры і камуза.
У месцы святкавання былі ўстаноўлены юрты, разасланы ўзорыстыя дываны, размешчаны творы жывапісу. Творчае напаўненне свята забяспечылі супрацоўнікі Камісіі, якія выканалі песні, інструментальныя кампазіцыі, танцавальныя нумары, у аснове якіх – народныя традыцыі і звычаі.
У заключнай частцы мерапрыемства госці агледзелі экспазіцыю этнавыставы, прынялі ўдзел у майстар-класах па народных рамёствах, прадэгуставалі нацыянальныя стравы.
У 2009 годзе Наўрыз уключаны ў спіс нематэрыяльнай культурнай спадчыны ЮНЕСКА. Назвы свята ў розных краінах адрозніваюцца – Нааруз, Наўрыз, Ноўруз, Наўруз.
