На пасяджэнні Савета кіраўнікоў органаў па акрэдытацыі краін Еўразійскага эканамічнага саюза абмеркаваны пытанні гарманізацыі патрабаванняў да ўзроўню кампетэнтнасці органаў па ацэнцы адпаведнасці. У мерапрыемстве прыняў удзел міністр па тэхнічным рэгуляванні Еўразійскай эканамічнай камісіі Валянцін Татарыцкі.

Асаблівая ўвага нададзена павышэнню празрыстасці дзейнасці і адказнасці акрэдытаваных лабараторый, якія выдаюць пасведчанні аб бяспецы канструкцыі транспартных сродкаў (ПБКТС) на аснове тэхрэгламенту «Аб бяспецы колавых транспартных сродкаў».

Разгледжаны канкрэтныя прапановы па агульных падыходах да акрэдытацыі органаў па ацэнцы адпаведнасці, якія ажыццяўляюць выдачу ПБКТС. Гэтыя падыходы распрацаваны міждзяржаўнай рабочай групай.

«Забеспячэнне бяспекі колавых транспартных сродкаў – найважнейшая задача, паколькі ад гэтага наўпрост залежаць жыцці людзей і надзейнасць перавозак. Таму асабліва важна забяспечыць празрыстасць працы і адказнасць лабараторый, якія выдаюць дакументы аб бяспецы канструкцый. Кожны ўдзельнік рынку павінен разумець сваю адказнасць і прытрымлівацца устаноўленых патрабаванняў», – падкрэсліў Валянцін Татарыцкі.

Таксама разгледжана рэалізацыя праекта Пагаднення аб парадку прызнання ў рамках ЕАЭС арганічнай прадукцыі, у прыватнасці правядзенне ўзаемных параўнальных ацэнак і фарміраванне рэестра акрэдытаваных органаў па сертыфікацыі вытворчасці.

Абмеркаваны дадатковыя прапановы па ліквідацыі тэхнічных бар'ераў ва ўзаемным гандлі паміж дзяржавамі ЕАЭС адзін з адным і з трэцімі краінамі.

Асобная ўвага нададзена ўкараненню рэестра асоб, упаўнаважаных вытворцамі, на аснове адзінага спісу выдадзеных сертыфікатаў і зарэгістраваных дэкларацый. Рэестр фарміруецца па прынцыпе дазвольнай выдачы і будзе прывязаны да канкрэтных дакументаў аб ацэнцы адпаведнасці.