Аксёнаў Андрэй Мікалаевіч нарадзіўся ў 1973 годзе ў Мінску.
У 1995 годзе скончыў Беларускі дзяржаўны ўніверсітэт па спецыяльнасці «Радыёфізіка і электроніка», прайшоў перападрыхтоўку ў 1996 годзе ў Беларускім дзяржаўным універсітэце па спецыяльнасці «Эканамічная кібернетыка».
Працоўную дзейнасць пачаў у 1995 годзе на Міжбанкаўскай валютнай біржы Нацыянальнага банка Рэспублікі Беларусь, прайшоўшы працоўны шлях ад памочніка аналітыка фінансавага рынку да начальніка фондавага аддзела.
З 1999 года па 2016 год працаваў на кіруючых пасадах у ААТ «Беларуская валютна-фондавая біржа».
Са студзеня 2017 года па ліпень 2019 года займаў кіруючыя пасады ў Дэпартаменце па каштоўных паперах Міністэрства фінансаў Рэспублікі Беларусь.
Са жніўня 2019 года па май 2025 года – дырэктар Рэспубліканскага ўнітарнага прадпрыемства «Рэспубліканскі цэнтральны дэпазітарый каштоўных папер».
У 2023 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне нацыянальнай эканомікай».
Прайшоў шэраг курсаў і стажыровак па арганізацыі фінансавых рынкаў у розных краінах (Германія, Аўстрыя, Турцыя, Чэхія, Польшча).
Адзначаны граматамі і падзякамі Міністэрства фінансаў Рэспублікі Беларусь, Камітэта па каштоўных паперах пры Савеце Міністраў Рэспублікі Беларусь, ААТ «Беларуская валютна-фондавая біржа».