Մարտի 25-28-ը Եվրասիական տնտեսական համագործակցության ինտեգրման հիմնական ուղղությունների և մակրոտնտեսության նախարար Տատյանա Վալովայան աշխատանքային այցով մեկնել է Մոնղոլիա։ Նրան ուղեկցել են Ինտեգրման զարգացման վարչության փոխտնօրեն Սերգեյ Շուխնոն և վարչության աշխատակիցները: Մարտի 25-28-ը Եվրասիական տնտեսական համագործակցության ինտեգրման հիմնական ուղղությունների և մակրոտնտեսության նախարար Տատյանա Վալովայան աշխատանքային այցով մեկնել է Մոնղոլիա։ Նրան ուղեկցել են Ինտեգրման զարգացման վարչության փոխտնօրեն Սերգեյ Շուխնոն և վարչության աշխատակիցները: Մոնղոլիայում Տատյանա Վալովայան հանդիպումներ է ունեցել արդյունաբերության նախարար Դոնդողդորժ Էրդենեբատի, պարենի և գյուղատնտեսության նախարար Ռադնագիյնա Բուրմայի, արտգործնախարար Լունդենգին Պուրեվսուրենի, Ռուսաստանի Դաշնության հետ տնտեսական, ենթակառուցվածքային և ներդրումային հարաբերությունների հարցերով Մոնղոլիայի նախագահի անձնական ներկայացուցիչ Լուվսանդանդարին Հանգայի հետ: ԵՏՀ նախարարը նաև Մոնղոլիայի արդյունաբերության նախարարությունում և Մոնղոլիայի Ազգային անվտանգության խորհրդին առնթեր ռազմավարական հետազոտությունների ինստիտուտում ելույթ է ունեցել Եվրասիական տնտեսական միության մասին շնորհանդեսով: Հանդիպումների ընթացքում մոնղոլ գործընկերները շահագրգռվածություն են հայտնել Եվրասիական տնտեսական միության հետ առևտրատնտեսական համագործակցության ակտիվացման ուղղությամբ: Քննարկվել են Մոնղոլիայի և ԵԱՏՄ անդամ-պետությունների միջև առևտրային կապերի կատարելագործման հնարավորությունները: Մոնղոլական կողմը հանդես է եկել Եվրասիական տնտեսական հանձնաժողովի հետ փոխգործակցության մասին հուշագրի ստորագրման առաջարկությամբ: Հարցը ընդունվել է ուսումնասիրման: Հանդիպման մասնակիցները հաստատել են Հանձնաժողովի հետ շփումները խորացնելու մտադրությունը՝ Մոնղոլիայի և Եվրասիական տնտեսական միության անդամ պետությունների հետ առևտրատնտեսական կապերի զարգացման ազդակ հաղորդելու նպատակով: