Հունիսի 17-ին Մոսկվայում գտնվող Եվրասիական տնտեսական հանձնաժողովի շտաբ-բնակարանում ԵՏՀ Կոլեգիայի Նախագահ Վիկտոր Խրիստենկոն և Մոնղոլիայի վարչապետ Չիմեդիյն Սայհանբիլեգը ստորագրել են Եվրասիական տնտեսական հանձնաժողովի և Մոնղոլիայի Կառավարության միջև համագործակցության Հուշագիր:​ Հունիսի 17-ին Մոսկվայում գտնվող Եվրասիական տնտեսական հանձնաժողովի շտաբ-բնակարանում ԵՏՀ Կոլեգիայի Նախագահ Վիկտոր Խրիստենկոն և Մոնղոլիայի վարչապետ Չիմեդիյն Սայհանբիլեգը ստորագրել են Եվրասիական տնտեսական հանձնաժողովի և Մոնղոլիայի Կառավարության միջև համագործակցության Հուշագիր:  Փաստաթուղթը ստորագրվել է Եվրասիական տնտեսական միության (ԵԱՏՄ) անդամ պետությունների և Մոնղոլիայի միջև համակողմանի համագործակցության զարգացմանը, փոխադարձ առևտրի արդյունավետության բարձրացմանը և առևտրի զարգացմանը խոչընդոտող արգելքների վերացմանն ուղղված միջոցների իրագործմանը աջակցելու նպատակով: «Կողմերը Հուշագիր են կնքել ՝ ձգտելով առևտրատնտեսական համագործակցության նոր հեռանկարներ բացել», - նշված է փաստաթղթում:  ԵՏՀ Կոլեգիայի Նախագահը նշեց. «Կողմերը Հուշագիր են կնքել ՝ ձգտելով ԵԱՏՄ անդամ պետությունների և Մոնղոլիայի միջև առևտրատնտեսական համագործակցության նոր հեռանկարներ բացել»:  Կողմերը զարգացնելու են առևտրատնտեսական համագործակցությունը մի շարք ուղղություններով: Մասնավորապես, տրանսպորտի ոլորտում՝ արդյունավետ, հուսալի և կայուն տրանսպորտային երթուղիներ ստեղծելու և տրանսպորտային ծառայություններ մատուցելու նպատակով: Ագրոարդյունաբերության ոլորտում՝ պարենային անվտանգություն ապահովելու, ինչպես նաև ԵԱՏՄ անդամ պետությունների և Մոնղոլիայի ագրոարդյունաբերական համալիրի սուբյեկտների մրցունակության բարձրացման համար պայմաններ ստեղծելու նպատակով: Մրցակցային քաղաքականության հարցերով՝ գործնական ակտիվության աճի, հավասարակշռված առևտրի և որակյալ ապրանքների արտադրման համար բարեխիղճ մրցակցություն ստեղծելու նպատակով: Փոխգործակցությունը զարգանալու է նաև առևտրային քաղաքականության, տեխնիկական կարգավորման, սանիտարական, անասնաբուժասանիտարական և կարանտինային բուսասանիտարական միջոցների հարցերով:  Հուշագիրը նախատեսում է Եվրասիական տնտեսական հանձնաժողովի և Մոնղոլիայի Կառավարության միջև փոխգործակցության հարցերով աշխատանքային խմբի ձևավորում՝ ԵՏՀ իրավասության ոլորտներում Եվրասիական տնտեսական միության անդամ պետությունների և Մոնղոլիայի միջև համագործակցության հարցերի մշակման և երկխոսության զարգացման նպատակով:  Տեղեկանք.  Եվրասիական տնտեսական միության մասին Պայմանագրի ուժի մեջ մտնելուց հետո Մոնղոլական կողմը շահագրգռվածություն է հայտնել Եվրասիական տնտեսական հանձնաժողովի հետ փոխգործակցություն հաստատելու հարցում՝ ԵԱՏՄ անդամ պետությունների և Մոնղոլիայի միջև առևտրատնտեսական համագործակցության ակտիվացման հնարավորությունները համատեղ ուսումնասիրելու նպատակով:  2015 թվականի մարտի 25-28-ին Մոնղոլիայում Բելառուսի Հանրապետության, Ղազախստանի Հանրապետության և Ռուսաստանի Դաշնության դեսպանությունների աջակցությամբ կայացավ ԵՏՀ ինտեգրման հիմնական ուղղությունների և մակրոտնտեսական հարցերով Կոլեգիայի անդամ (Նախարար) Տատյանա Վալովայայի այցը Ուլան-Բատոր, որի ընթացքում Մոնղոլական Կողմը հանդես եկավ Եվրասիական տնտեսական հանձնաժողովի և Մոնղոլիայի Կառավարության միջև համագործակցության Հուշագիր կնքելու առաջարկով:  Մոնղոլական Կողմի շահագրգռվածությունը Հուշագրի ստորագրման հարցում հաստատել է Մոնղոլիայի Նախագահի՝ Ռուսաստանի Դաշնության հետ տնտեսական, ենթակառուցվածքային և ներդրումային հարաբերությունների հարցերով անձնական ներկայացուցիչ Լուվսանդանդար Հանգայը Տատյանա Վալովայայի հետ 2015 թվականի ապրիլի 15-ին կայացած հանդիպման ընթացքում:  2015 թվականի մայիսի 7-ին Մոսկվայում հանդիպում է կայացել ԵՏՀ Կոլեգիայի Նախագահ Վիկտոր Խրիստենկոյի և Մոնղոլիայի Նախագահ Ցախիագիյն Էլբեգդորժի միջև, որի արդյունքներով հաստատվել է մոտ ապագայում հուշագիր ստորագրելու երկկողմանի տրամադրվածությունը:

Скачать исходники фотографий