Եվրասիական տնտեսական հանձնաժողովի կոլեգիան երկարաձգել է Չինաստանի Ժողովրդական Հանրապետությունից ծագող, կոռոզիակայուն (չժանգոտվող) պողպատից պատրաստված զոդովի խողովակների, փողակների և սնամեջ պրոֆիլների նկատմամբ հակագնագցման տուրքը մինչև 2031 թվականի սեպտեմբերի 7-ը ներառյալ:
Դիմումը ներկայացրել էին «Գլոբուս-Ստալ» ՍՊԸ-ն, «Մարչեգալիա ՌՈՒ» ՍՊԸ-ն, «Ռուսինոկս» ՍՊԸ-ն, «Սինարկսկի խողովակների գործարան» ԲԸ-ն և աջակցել են «Մոգիլյով-Ստալ» ՍՊԸ-ն, «VarTechAuto» ՍՊԸ-ն, «Բալտինոկս» ՍՊԸ-ն, «ՊԿ ԱՊԵԿՍ» ՍՊԸ-ն, «Կարկաս» պողպատի խումբ» ՓԲԸ-ն և «Տեխնո Տյուբ» ՍՊԸ-ն։«Որոշումն ընդունվել է 2025 թվականի նոյեմբերի 13-ին Ներքին շուկայի պաշտպանության վարչության կողմից սկսված կրկնակի հակագնագցման հետաքննության արդյունքների հիման վրա, որը պայմանավորված էր Եվրասիական տնտեսական միության երկրներում ապրանքն արտադրողների դիմումի հիման վրա կիրառված միջոցի գործողության ժամկետը լրանալով», — նշել է ԵՏՀ առևտրի նախարար Անդրեյ Սլեպնյովը։
ՉԺՀ-ից ծագող, կոռոզիակայուն (չժանգոտվող) պողպատից պատրաստված զոդովի խողովակների, փողակների և սնամեջ պրոֆիլների նկատմամբ հակագնագցման տուրքը սահմանվել էր ԵՏՀ կոլեգիայի 2021 թվականի փետրվարի 9-ի N 12 որոշմանը համապատասխան։ Դրույքաչափը կազմում է մաքսային արժեքի 14.62%-ից մինչև 17.28%՝ կախված արտադրողից։ Միջոցի գործողությունը երկարաձգվել է կրկնակի հետաքննության ժամկետով։
