Եվրասիական տնտեսական հանձնաժողովի կոլեգիան երկարաձգել է Չինաստանի Ժողովրդական Հանրապետությունից ծագող, կոռոզիակայուն (չժանգոտվող) պողպատից պատրաստված զոդովի խողովակների, փողակների և սնամեջ պրոֆիլների նկատմամբ հակագնագցման տուրքը մինչև 2026 թվականի նոյեմբերի 12-ը ներառյալ:

Կիրառվող միջոցի գործողության ժամկետը պետք է լրանար 2026 թվականի մարտի 13-ին։ Սակայն ԵՏՀ ներքին շուկայի պաշտպանության վարչությունը դիմում է ստացել, որի քննարկման արդյունքում 2025 թվականի նոյեմբերի 13-ին սկսվել է կրկնակի հակագնագցման հետաքննություն։

«Եվրասիական տնտեսական միության նորմատիվ բազայով նախատեսված է հակագնագցման գործող միջոցի կիրառման ժամկետի երկարաձգում կրկնակի հետաքննության անցկացման ժամանակահատվածով, որը պետք է ավարտվի դրա մեկնարկի օրվանից 12 ամսվա ընթացքում», — հայտնել են ԵՏՀ առևտրային բլոկում: