Եվրասիական տնտեսական հանձնաժողովի Կոլեգիայի նախագահ Բակիտժան Սագինտաևը Ղրղզստանի Հանրապետության նախագահ, Եվրասիական տնտեսական բարձրագույն խորհրդի անդամ Սադիր Ժապարովին և ամբողջ ղրղզ ժողովրդին շնորհավորել է Անկախության օրվա կապակցությամբ։

«Ղրղզստանի ինքնիշխանության ժամանակաշրջանը նշանավորվել է մասշտաբային կառուցվածքային բարեփոխումներով, որոնք ուղղված էին տնտեսության ոլորտների արդիականացմանը, թվային ենթակառուցվածքի ծավալմանը, միջազգային ասպարեզում երկրի դիրքերի ուժեղացմանը», — նշված է շնորհավորական նամակում։ 

Եվրասիական տնտեսական հանձնաժողովի և անձամբ իր անունից Բակիտժան Սագինտաևը Ղրղզստանի Հանրապետությանը և նրա քաղաքացիներին մաղթել է բարեկեցություն և բարգավաճում։